Karepalli | కారేపల్లి మండలంలో నులిపురుగుల నివారణ మాత్రలు పంపిణీ

జాతీయ నులిపురుగుల నివారణ దినోత్సవం సందర్భంగా సోమవారం ఖమ్మం జిల్లా సింగరేణి(కారేపల్లి) మండలంలోని అన్ని పాఠశాలలు, కళాశాలలు, అంగన్‌వాడీ కేంద్రాల్లో పిల్లలకు అల్బెండజోల్‌ మాత్రల పంపిణీ జరిగిందని మండల వైద్యాధికారి సురేష్ తెలిపారు.

కారేపల్లి ఆగస్టు 11 : జాతీయ నులిపురుగుల నివారణ దినోత్సవం సందర్భంగా సోమవారం ఖమ్మం జిల్లా సింగరేణి(కారేపల్లి) మండలంలోని అన్ని పాఠశాలలు, కళాశాలలు, అంగన్‌వాడీ కేంద్రాల్లో పిల్లలకు అల్బెండజోల్‌ మాత్రల పంపిణీ జరిగిందని మండల వైద్యాధికారి సురేష్ తెలిపారు. మండలంలో గల అన్ని గ్రామాల్లో 2 నుంచి 19 ఏళ్ల లోపు పిల్లలకు నులిపురుగుల నివారణ నిమిత్తము ఒక ఆల్బెండజోల్‌ మాత్ర మధ్యాహ్నం భోజనం తర్వాత ఇచ్చినట్లు తెలిపారు.

ఈ కార్యక్రమం వలన పిల్లలలో ఉన్న నులిపురుగులు నశించి పిల్లలకు రక్తహీనత రాకుండా కాపాడుతుందని తెలిపారు. స్థానిక రెసిడెన్షియల్‌ పాఠశాలల్లో కూడా విద్యార్థులతో నులిపురుగుల నివారణ మాత్రలను స్థానిక వైద్య సిబ్బంది మింగించినట్లు పేర్కొన్నారు. ఈ కార్యక్రమాన్ని గ్రామస్థాయిలో సీహెచ్‌ఒలు, ఎఎన్‌ఎంలు, హెల్త్ సూపర్వైజర్లు, ఎంఎల్ హెచ్ పి లు, ఆశా కార్యకర్తలు, ప్రతి స్కూలు ఉపాధ్యాయులు, అంగన్వాడీ కార్యకర్తల సమక్షంలో నిర్వహించినట్లు తెలిపారు.