సార‌పాక సాయిబాబా మందిర‌ రథం తయారీకి రూ.3.50 లక్షలు విరాళం

బూర్గంపహాడ్ మండల పరిధిలోని సారపాకలో కొలువైన శిరిడీ పుష్కర ద్వారక సాయిబాబా మందిరానికి ఆలయ ఊరేగింపు కోసం రథం తయారీకి రూ.3.50 లక్షలు విరాళంగా ఇచ్చేందుకు ప్రవాస భారతీయులు, తానా మాజీ చైర్మన్ తాళ్లూరి జయశేఖర్-నీలిమ దంపతులు ముందుకొచ్చారు.

– ముందుకొచ్చిన ప్రవాస భారతీయులు తాళ్లూరి జయశేఖర్-నీలిమ దంపతులు
– అడ్వాన్స్ రూ.2 లక్షలు కమిటీకి అందజేత

బూర్గంపహాడ్, జూలై 09 : బూర్గంపహాడ్ మండల పరిధిలోని సారపాకలో కొలువైన శిరిడీ పుష్కర ద్వారక సాయిబాబా మందిరానికి ఆలయ ఊరేగింపు కోసం రథం తయారీకి రూ.3.50 లక్షలు విరాళంగా ఇచ్చేందుకు ప్రవాస భారతీయులు, తానా మాజీ చైర్మన్ తాళ్లూరి జయశేఖర్-నీలిమ దంపతులు ముందుకొచ్చారు. గురువారం ఈ విరాళంలో అడ్వాన్స్ రూ.2 లక్షలను తాళ్లూరి ట్రస్టు డైరెక్టర్ వల్లూరిపల్లి వంశీకృష్ణ-విజయరేణుక దంపతులు ఆలయ కమిటీ నిర్వాహకులకు అడ్వాన్స్‌గా అందజేశారు. ఈ సందర్భంగా దంపతులు ఆలయంలో ప్రత్యేక పూజలు నిర్వహించి భక్తులకు అన్నప్రసాద వితరణ చేశారు. అనంతరం వంశీకృష్ణ మాట్లాడుతూ ఆలయ కమిటీ నిర్వాహకుల కోరిక మేరకు ప్రవాస భారతీయులు జయశేఖర్-నీలిమ దంపతులు రథం తయారీకి వితరణ ఇవ్వడం ఎంతో సంతోషంగా ఉందన్నారు. త్వరలోనే ఆలయానికి రథం అందజేయడం జరుగుతుందన్నారు. ఈ కార్యక్రమంలో ఆలయ కమిటీ నిర్వాహకులు, భక్తులు పాల్గొన్నారు.