‘కోతుల బెడదకు శాశ్వత పరిష్కారం చూపాలి’

సింగరేణి పరిధిలోని గ్రామాల్లో తీవ్రంగా మారిన కోతుల బెడదకు శాశ్వత పరిష్కారం చూపాలని కోరుతూ ధన్‌బాద్ ఉప సర్పంచ్ భూక్య ప్రేమ్ కుమార్ సోమవారం ప్రజావాణిలో జిల్లా సబ్ కలెక్టర్, డీపీఓకు వినతిపత్రం అందజేశారు. ​ధన్‌బాద్, రుద్రంపూర్, గౌతమ్‌పూర్ తదితర ప్రాంతాల్లో...

​చుంచుపల్లి, నవంబర్ 02 : సింగరేణి పరిధిలోని గ్రామాల్లో తీవ్రంగా మారిన కోతుల బెడదకు శాశ్వత పరిష్కారం చూపాలని కోరుతూ ధన్‌బాద్ ఉప సర్పంచ్ భూక్య ప్రేమ్ కుమార్ సోమవారం ప్రజావాణిలో జిల్లా సబ్ కలెక్టర్, డీపీఓకు వినతిపత్రం అందజేశారు. ​ధన్‌బాద్, రుద్రంపూర్, గౌతమ్‌పూర్ తదితర ప్రాంతాల్లో కోతులు మహిళలు, పిల్లలు, వృద్ధులపై దాడులు చేస్తూ భయాందోళనలు సృష్టిస్తున్నాయని ఆవేదన వ్యక్తం చేశారు. సింగరేణి, ఫారెస్ట్, రైల్వే, సోలార్ ప్లాంట్ల విస్తరణ పేరిట అడవులను నరికివేయడం వల్లే కోతులకు ఆవాసాలు, ఆహారం కరువై ఊర్లపై పడుతున్నాయని పేర్కొన్నారు. ​అడవులు తిరిగి పెరిగి, చెట్లకు పండ్లు కాసేవరకు సింగరేణి సంస్థే ఆ కోతులను దత్తత తీసుకోవాలని డిమాండ్ చేశారు. మార్కెట్లలో మిగిలిన పండ్లు, కూరగాయలను సేకరించి, సింగరేణి మొక్కలు నాటే ప్రదేశాల్లో పునరావాస కేంద్రాలను ఏర్పాటు చేసి నిర్ణీత సమయానికి ఆహారం అందించాలని కోరారు. కోతులను పట్టి ఇతర ప్రాంతాల్లో వదిలేయడం వల్ల సమస్య పరిష్కారం కాదని, వాటికి శాశ్వత పునరావాసం కల్పించేలా సింగరేణి యాజమాన్యానికి ఆదేశాలు జారీ చేయాలని విజ్ఞప్తి చేశారు.