రజత కవచాలంకరణలో శ్రీ కనకదుర్గ అమ్మవారు .. దేవీ నవరాత్రుల సందర్భంగా ప్రత్యేక పూజలు

గౌతంపూర్ పంచాయతీ పరిధిలోని శ్రీ కనకదుర్గ చంద్రమౌళీశ్వర దేవాలయంలో దేవీ నవరాత్రుల సందర్భంగా అమ్మవారికి ప్రత్యేక పూజలు నిర్వహిస్తున్నారు.

చుంచుపల్లి, అక్టోబర్ 11: భద్రాద్రి కొత్తగూడెం జిల్లా చుంచుపల్లి మండలం గౌతంపూర్ పంచాయతీ పరిధిలోని శ్రీ కనకదుర్గ చంద్రమౌళీశ్వర దేవాలయంలో దేవీ నవరాత్రుల సందర్భంగా అమ్మవారికి ప్రత్యేక పూజలు నిర్వహిస్తున్నారు. ఇందులో భాగంగా అమ్మవారిని రజత కవచం, వివిధ ఆభరణాలు, రంగురంగుల పుష్పమాలలతో సుందరంగా అలంకరించారు. అమ్మవారిని దర్శించుకునేందుకు భక్తులు ఆలయానికి తరలివచ్చి భక్తిశ్రద్ధలతో పూజలు నిర్వహిస్తున్నారు.

నవరాత్రుల సందర్భంగా అమ్మవారికి ప్రత్యేకంగా కుంకుమార్చనలు నిర్వహిస్తున్నట్లు ఆలయ అర్చకులు అనిల్ శర్మ తెలిపారు. భక్తులు భవానీ మాలలు ధరించి తొమ్మిది రోజుల పాటు నియమనిష్ఠలతో అమ్మవారికి ప్రత్యేక పూజలు నిర్వహించనున్నట్లు పేర్కొన్నారు. దేవీ నవరాత్రుల సందర్భంగా ఆలయంలో ఆధ్యాత్మిక వాతావరణం నెలకొంది.