ముగ్గురికి కారుణ్య నియామక ప‌త్రాలు అంద‌జేత

దసరా పండుగ సందర్భంగా మరణించిన ఉద్యోగుల కుటుంబాలకు అండగా నిలుస్తూ భ‌ద్రాద్రి కొత్త‌గూడెం జిల్లా పరిషత్ సీఈవో బి.నాగలక్ష్మి ముగ్గురికి కారుణ్య నియామకాలు కల్పించారు. అంబేద్కర్ నగర్‌లో పనిచేస్తూ మరణించిన ఉద్యోగి కుమారుడు జీ.తరుణ్‌కు గుండాల మండల పరిషత్ కార్యాలయంలో...

చుంచుపల్లి, అక్టోబర్ 13 : దసరా పండుగ సందర్భంగా మరణించిన ఉద్యోగుల కుటుంబాలకు అండగా నిలుస్తూ భ‌ద్రాద్రి కొత్త‌గూడెం జిల్లా పరిషత్ సీఈవో బి.నాగలక్ష్మి ముగ్గురికి కారుణ్య నియామకాలు కల్పించారు. అంబేద్కర్ నగర్‌లో పనిచేస్తూ మరణించిన ఉద్యోగి కుమారుడు జీ.తరుణ్‌కు గుండాల మండల పరిషత్ కార్యాలయంలో, పెనగడప పాఠశాలలో నైట్ వాచ్‌మెన్‌గా పనిచేస్తూ మరణించిన విజయ్ కుమార్ కుమారుడు పూర్ణచంద్రరావుకు ములకలపల్లి మండల పరిషత్ కార్యాలయంలో ఆఫీస్ సబార్డినేట్‌గా నియామకాలు కల్పించారు. అలాగే, అన్నపురెడ్డిపల్లి మండలం ఊటుపల్లి పాఠశాలలో ఎస్‌జీటీగా పనిచేస్తూ మరణించిన రాము భార్య టి.వెంకటలక్ష్మికి మద్దుకూరు జ‌డ్పీహెచ్‌ఎస్‌లో ఆఫీస్ సబార్డినేట్‌గా నియామకం కల్పించారు. ఈ సందర్భంగా తెలంగాణ పంచాయతీరాజ్ నాలుగో తరగతి ఉద్యోగుల సంఘం జిల్లా అధ్యక్షుడు పులికంటి వెంకటేశ్వర్లు సీఈవో బి. నాగలక్ష్మికి సంఘం తరఫున కృతజ్ఞతలు తెలిపారు. మరణించిన ఉద్యోగుల కుటుంబాలకు ఆర్థిక భరోసా కల్పించే ఈ చర్య అభినందనీయమని పేర్కొన్నారు.