Collector Kumar Deepak | ప్రభుత్వ భూములు కాపాడేందుకు చర్యలు చేపట్టాలి : జిల్లా కలెక్టర్ కుమార్ దీపక్

Collector Kumar Deepak | ప్రభుత్వ భూములను కాపాడేందుకు రెవెన్యూ అధికారులు అవసరమైన చర్యలు చేపట్టాలని జిల్లా కలెక్టర్ కుమార్ దీపక్ ఆదేశించారు.

తాండూర్ : ప్రభుత్వ భూములను ( Government lands ) కాపాడేందుకు రెవెన్యూ అధికారులు అవసరమైన చర్యలు చేపట్టాలని జిల్లా కలెక్టర్ కుమార్ దీపక్ ( Collector Kumar Deepak ) ఆదేశించారు. తాండూర్ తహసీల్‌ కార్యాలయాన్ని సబ్ కలెక్టర్ మనోజ్‌తో కలిసి గురువారం సందర్శించి ప్రభుత్వ భూముల పరిరక్షణపై అధికారులతో సమీక్షించారు.

ప్రభుత్వ భూములను ఎవరైనా ఆక్రమించినట్లయితే క్షేత్రస్థాయిలో పరిశీలించి, ఆక్రమణదారులకు నిబంధనల ప్రకారం నోటీసులు జారీ చేయాలని, ప్రభుత్వ భూములను ఎవరైనా ఆక్రమించితే వారిపై కఠిన చర్యలు చేపట్టాలని ఆదేశించారు.

భూభారతి దరఖాస్తులను రికార్డులతో సరిచూసి క్షేత్రస్థాయిలో పరిశీలించి త్వరగా పరిష్కరించే విధంగా నిబంధనల ప్రకారం చర్యలు తీసుకోవాలని తెలిపారు. వివిధ ధ్రువపత్రాల కోసం అందిన దరఖాస్తులను పరిశీలించి నిర్ణీత గడువులోగా జారీ చేసే విధంగా చర్యలు తీసుకోవాలని సూచించారు.