కొత్త‌గూడెం జ‌డ్పీ కార్యాల‌యంలో ఘనంగా చాకలి ఐలమ్మ జయంతి

చాకలి ఐలమ్మ జయంతిని పురస్కరించుకుని జిల్లా ప్రజా పరిషత్, భద్రాద్రి కొత్తగూడెం కార్యాలయంలో శనివారం చాకలి ఐలమ్మ చిత్రపటానికి పుష్పాంజలి ఘటించి ఘనంగా నివాళులు అర్పించారు. ఈ సందర్భంగా...

కొత్తగూడెం, సెప్టెంబర్ 26 : చాకలి ఐలమ్మ జయంతిని పురస్కరించుకుని జిల్లా ప్రజా పరిషత్, భద్రాద్రి కొత్తగూడెం కార్యాలయంలో శనివారం చాకలి ఐలమ్మ చిత్రపటానికి పుష్పాంజలి ఘటించి ఘనంగా నివాళులు అర్పించారు. ఈ సందర్భంగా జిల్లా ప్రజా పరిషత్ ఉప ముఖ్య కార్యనిర్వహణాధికారి బి.అప్పారావు మాట్లాడుతూ… సామాజిక న్యాయం, సమానత్వం కోసం చాకలి ఐలమ్మ చేసిన పోరాటం స్ఫూర్తిదాయకమన్నారు. ఆమె ధైర్యసాహసాలు, ప్రజా హక్కుల కోసం చేసిన ఉద్యమం నేటి తరానికి ఆదర్శంగా నిలుస్తుందని పేర్కొన్నారు. ఈ కార్యక్రమంలో టీపీఆర్‌ఎంఈఏ జిల్లా అధ్యక్షుడు ఎం.రాజేష్, సూపరింటెండెంట్లు వి.బి.వి.కె.ప్రసాద్, బి.రమేష్, ప్రవీణ్ కుమార్‌, జిల్లా ప్రజా పరిషత్ సిబ్బంది పాల్గొన్నారు.