Vemulawada | కేంద్ర విద్యా శాఖ మంత్రి రాజీనామా చేయాలి.. సీపీఎం

విద్యార్థుల జీవితాలతో చెలగాటమాడుతున్న కేంద్ర విద్యాశాఖ మంత్రి ధర్మేంద్ర ప్రధాన్ వెంటనే రాజీనామా చేయాలని వేములవాడలో సీపీఎం నాయకులు డిమాండ్‌ చేశారు. వేములవాడ పట్టణంలోని తెలంగాణ చౌక్ వద్ద సోమవారం నిరసన కార్యక్రమం నిర్వహించి జిల్లా నాయకుడు ఎగమంటి ఎల్లారెడ్డి మాట్లాడారు.

• విద్యార్థుల భవిష్యత్తుతో చెలగాటం ఆపాలి
• వేములవాడలో సీపీఎం నాయకుల నిరసన

Vemulawada | వేములవాడ, జూలై 20 : విద్యార్థుల జీవితాలతో చెలగాటమాడుతున్న కేంద్ర విద్యాశాఖ మంత్రి ధర్మేంద్ర ప్రధాన్ వెంటనే రాజీనామా చేయాలని వేములవాడలో సీపీఎం నాయకులు డిమాండ్‌ చేశారు. వేములవాడ పట్టణంలోని తెలంగాణ చౌక్ వద్ద సోమవారం నిరసన కార్యక్రమం నిర్వహించి జిల్లా నాయకుడు ఎగమంటి ఎల్లారెడ్డి మాట్లాడారు. విద్యార్థుల సమస్యల పరిష్కారం కోసం శాంతియుతంగా ఆమరణ నిరాహార దీక్ష చేస్తున్న సామాజిక కార్యకర్త సోనం వాంగ్‌చుక్‌ను పోలీసులు బలవంతంగా తరలించడాన్ని తీవ్రంగా ఖండిస్తున్నామని తెలిపారు.

నీట్ పరీక్ష పత్రాల లీకేజీలకు నైతిక బాధ్యత వహిస్తూ కేంద్ర విద్యాశాఖ మంత్రి ధర్మేంద్ర ప్రధాన్ వెంటనే తన పదవికి రాజీనామా చేయాలని డిమాండ్ చేశారు. రాష్ట్రంలో విద్యారంగం ప్రైవేటీకరణ, అధిక ఫీజులతో పేద, మధ్యతరగతి విద్యార్థులు తీవ్ర ఇబ్బందులు ఎదుర్కొంటున్నారని ఆవేదన వ్యక్తం చేశారు. అందరికీ నాణ్యమైన, అందుబాటులో ఉండే విద్యను ప్రభుత్వం కల్పించాలని కోరారు. సోనం వాంగ్‌చుక్ చేపట్టిన ఆమరణ నిరాహార దీక్షను భగ్నం చేసేందుకు కేంద్ర ప్రభుత్వం వ్యవహరించిన తీరును ఖండిస్తూ, విద్యార్థుల సమస్యలను విస్మరిస్తే రాష్ట్రవ్యాప్తంగా పెద్ద ఎత్తున ఆందోళన కార్యక్రమాలు చేపడతామని వారు హెచ్చరించారు. ఈ నిరసన కార్యక్రమంలో సిపిఎం జిల్లా నాయకులు ముక్తి కాంత్ అశోక్, రామంచ అశోక్, వాసం సురేష్, ఎస్ఎఫ్ఐ జిల్లా నాయకులు కడారి శివ తోపాటు తదితరులు ఉన్నారు.