Nationwide strike | 9న జరిగే దేశవ్యాప్త సమ్మెను విజయవంతం చేయాలని.. బీడీ సెంటర్లకు సమ్మె నోటీసు అందజేత

జూలై 9న జరిగే దేశవ్యాప్తంగా సార్వత్రిక సమ్మె విజయవంతం చేయాలని సీఐటీయూ బీడీ వర్కర్స్ యూనియన్ ఆధ్వర్యంలో జిల్లాలోని పలు బీడీ కంపెనీలలో బుధవారం సమ్మె నోటీసు అందించారు. కేంద్రంలో బీజేపీ ప్రభుత్వం అనుసరిస్తున్న కార్మిక, ప్రజా వ్యతిరేక విధానాలను ఉపసంహరించుకోవాలని , కార్మిక వ్యతిరేక 4 లేబర్ కోడ్ ల రద్దు తదితర ఇతర డిమాండ్లతో ఈ సమ్మె చేపడుతున్నట్లు ఆ సంఘం నాయకులు తెలిపారు.

Nationwide strike | రాజన్న సిరిసిల్ల కలెక్టరేట్, జూలై 2: జూలై 9న జరిగే దేశవ్యాప్తంగా సార్వత్రిక సమ్మె విజయవంతం చేయాలని సీఐటీయూ బీడీ వర్కర్స్ యూనియన్ ఆధ్వర్యంలో జిల్లాలోని పలు బీడీ కంపెనీలలో బుధవారం సమ్మె నోటీసు అందించారు. కేంద్రంలో బీజేపీ ప్రభుత్వం అనుసరిస్తున్న కార్మిక, ప్రజా వ్యతిరేక విధానాలను ఉపసంహరించుకోవాలని , కార్మిక వ్యతిరేక 4 లేబర్ కోడ్ ల రద్దు తదితర ఇతర డిమాండ్లతో ఈ సమ్మె చేపడుతున్నట్లు ఆ సంఘం నాయకులు తెలిపారు.

కావున దేశం, రాష్ట్రంలోని అన్ని కార్మిక సంఘాల జాయింట్ ప్లాట్ ఫామ్ ఆధ్వర్యంలో జూలై 9న చేపట్టబోయే దేశవ్యాప్త సార్వత్రిక సమ్మెలో పాల్గొని విజయవంతం చేయాలని కోరారు. ఈ మేరకు రాజన్న సిరిసిల్ల జిల్లాలోని బీడీ పరిశ్రమలలో పనిచేస్తున్న కార్మికులు అందరూ పాల్గొనాలని తెలుపుతూ బీడీ వర్కర్స్ యూనియన్ నాయకులు సూరం పద్మ , శ్రీరాముల రమేష్ చంద్ర ఆధ్వర్యంలో సిరిసిల్ల, తంగళ్ళపల్లి, చంద్రంపేటలోని బీడీ సెంటర్లలో మేనేజర్లకు సమ్మె నోటీసులను అందజేశారు.