KCR CUP | క్రీడా స్పూర్తిని కొనసాగించాలి.. బీఆర్‌ఎస్ రాజన్నసిరిసిల్ల జిల్లా అధ్యక్షుడు తోట ఆగయ్య

క్రికెట్‌ టోర్నమెంటులో పాల్గొనే యువకులు క్రీడా స్ఫూర్తిని కొనసాగించాలని బీఆర్‌ఎస్ రాజన్నసిరిసిల్ల జిల్లా అధ్యక్షుడు తోట ఆగయ్య అన్నారు. ఎల్లారెడ్డిపేట మండల కేంద్రంలోని ప్రభుత్వ జూనియర్‌ కళాశాల మైదానంలో నిర్వహిస్తున్న కేసీఆర్‌ కప్‌ క్రికెట్‌ టోర్నమెంట్‌ను ఆయన ప్రారంభించారు.

KCR CUP | ఎల్లారెడ్డిపేట, ఏప్రిల్‌ 9 : క్రికెట్‌ టోర్నమెంటులో పాల్గొనే యువకులు క్రీడా స్ఫూర్తిని కొనసాగించాలని బీఆర్‌ఎస్ రాజన్నసిరిసిల్ల జిల్లా అధ్యక్షుడు తోట ఆగయ్య అన్నారు. ఎల్లారెడ్డిపేట మండల కేంద్రంలోని ప్రభుత్వ జూనియర్‌ కళాశాల మైదానంలో నిర్వహిస్తున్న కేసీఆర్‌ కప్‌ క్రికెట్‌ టోర్నమెంట్‌ను ఆయన ప్రారంభించారు. ఈ సందర్భంగా ఆయన మాట్లాడుతూ బీఆర్‌ఎస్ వర్కింగ్‌ ప్రెసిడెంట్‌ ఆధ్వర్యంలో నిర్వహించే టోర్నమెంటులో 12 మండలాలు, 2 మున్సిపాలిటీలు, మండల స్థాయిలో గెలిచిన జట్టుకు రూ.50వేలు క్యాష్‌ ప్రైజు, రన్నర్‌ జట్టుకు రూ.20వేల ప్రైజ్‌ మనీ ఉంటుందన్నారు.

ప్రతీ మండలం నుంచి రెండు జట్లు, మొత్తంగా జిల్లా స్థాయిలో 32 జట్లు పోటీ పడనున్నట్లు తెలిపారు. ఈ నెల పదో తేదీ నుంచి 17వరకు ఈ పోటీలు నిర్వహిస్తున్నట్లు తెలిపారు. మండల, మున్సిపాలిటీ స్థాయిలో లీగ్‌ మ్యాచులు నిర్వహిస్తారని, 18 నుంచి 25 తేదీ వరకు జిల్లా కేంద్రంలో పోటీలు ఉంటాయని చెప్పారు. పోటీల్లో గెలుపోటములు సహజమని చెప్పారు. ఈ కార్యక్రమంలో బీఆర్‌ఎస్ మండలాధ్యక్షుడు వర్స కృష్ణహరి, మాజీ జడ్పీటీసీ చీటి లక్ష్మణ్‌రావు, పీఏసీఎస్ మాజీ చైర్మన్‌ గుండారపు కృష్ణారెడ్డి, సర్పంచ్‌ ఎన్గందుల నర్సింలు, సెస్ మాజీ డైరెక్టర్‌ కుంబాల మల్లారెడ్డి, బీఆర్‌ఎస్ నాయకులు పాల్గొన్నారు.