Chandurthi | రైతుల అభివృద్ధే సహకార సంఘాల లక్ష్యం.. చందుర్తి ఫ్యాక్స్‌ చైర్మన్‌ శ్రీనివాస్‌

రైతుల అభివృద్ధే సహకార సంఘాల లక్ష్యమని చందుర్తి ఫ్యాక్స్ చైర్మన్ తిప్పని శ్రీనివాస్ అన్నారు. సహకార సంఘం కార్యాలయంలో 73వ అఖిల భారత సహకార వారోత్సవాలను సోమవారం ఘనంగా నిర్వహించారు.

Chandurthi | చందుర్తి, జూన్ 29 : రైతుల అభివృద్ధే సహకార సంఘాల లక్ష్యమని చందుర్తి ఫ్యాక్స్ చైర్మన్ తిప్పని శ్రీనివాస్ అన్నారు. సహకార సంఘం కార్యాలయంలో 73వ అఖిల భారత సహకార వారోత్సవాలను సోమవారం ఘనంగా నిర్వహించారు. ఈ సందర్భంగా సహకార సంఘం జెండాను ఆవిష్కరించి గీతాన్ని ఆలపించారు. ఈ సందర్భంగా చైర్మన్ మాట్లాడుతూ రైతుల అభివృద్దే సహకార సంఘాల లక్ష్యమని, సహకార వ్యవస్థ బలపడితే గ్రామీణ ఆర్థిక వ్యవస్థ మరింత బలపడుతుందన్నారు.

సంఘం ద్వారా రైతులకు అర్హతను బట్టి రుణాలు, ఎరువులు, విత్తనాలు, ధాన్యం కొనుగోలు సేవలు పారదర్శకంగా అందిస్తున్నామని పేర్కొన్నారు. ఈ కార్యక్రమంలో సీఈఓ శ్రీ వర్ధన్, వైస్ చైర్మన్ పుల్కం మోహన్, డైరెక్టర్లు రవి, లచ్చయ్య, మణెమ్మ, రమేష్, సిబ్బంది తదితరులు పాల్గొన్నారు.