Koppula Eshwar | శ్రీనివాస్‌పై దాడి చేసిన నిందితులపై కఠిన చర్యలు తీసుకోవాలి.. మాజీ మంత్రి కొప్పుల ఈశ్వర్

గొల్లపల్లి మండల కేంద్రానికి చెందిన దండ్ల శ్రీనివాస్ పై దాడి చేసిన మంత్రి అనుచరులపై కఠిన చర్యలు తీసుకోవాలని మాజీ మంత్రి కొప్పుల ఈశ్వర్‌ డిమాండ్‌ చేశారు. జెడ్పీ మాజీ చైర్ పర్సన్ దావ వసంత సురేష్‌తో కలిసి ఆయన శుక్రవారం ఎస్పీని కలిసి వినతిపత్రం అందజేశారు.

• కాంగ్రెస్ నాయకుల దాడి సంఘటనపై ఎస్పీని కలిసిన మాజీ మంత్రి కొప్పుల

Koppula Eshwar | జగిత్యాల కలెక్టరేట్: గొల్లపల్లి మండల కేంద్రానికి చెందిన దండ్ల శ్రీనివాస్ పై దాడి చేసిన మంత్రి అనుచరులపై కఠిన చర్యలు తీసుకోవాలని మాజీ మంత్రి కొప్పుల ఈశ్వర్‌ డిమాండ్‌ చేశారు. జెడ్పీ మాజీ చైర్ పర్సన్ దావ వసంత సురేష్‌తో కలిసి ఆయన శుక్రవారం ఎస్పీని కలిసి వినతిపత్రం అందజేశారు.

ఈ సందర్భంగా ఆయన మాట్లాడుతూ కాంగ్రెస్ ప్రభుత్వం వచ్చాక పూర్తిగా అరాచక పాలన నడుస్తోందని, సంఘటనపై తక్షణమే విచారణ జరిపించాలని, దాడి వెనుక ఉన్న నిందితులపై కఠిన చర్యలు తీసుకోవాలని డిమాండ్‌ చేశారు. నిందితులకు ఇదివరకే నేరచరిత్ర ఉందని, వీరిని కాంగ్రెస్ పార్టీ నాయకులు కాపాడుతున్నారని, దాడికి యత్నించిన వారితో ప్రాణహాణి ఉందని ఎస్పీ తో బాధితుడి శ్రీనివాస్ భార్య వాపోయింది. నిందుతులపై నాన్ బెయిలబుల్ కేసులు పెట్టామని, నిందితులు పరారీలో ఉన్నారని, వారిని ట్రేస్ చేసి పెట్టుకుంటామని ఎస్పీ హామీ ఇచ్చారు.
బాధితుడిని ఆసుపత్రిలో పరామర్శించిన మాజీ మంత్రి