Randeep Hooda | రణదీప్ హుడా ఇంట సంతోష వాతావ‌ర‌ణం.. పండంటి ఆడబిడ్డకు జన్మనిచ్చిన భార్య లిన్ లైష్రామ్

Randeep Hooda | బాలీవుడ్‌లో తన విభిన్నమైన నటనతో గుర్తింపు పొందిన నటుడు రణదీప్ హుడా కుటుంబంలో ఆనందం నెలకొంది. ఆయన భార్య లిన్ లైష్రామ్ పండంటి ఆడబిడ్డకు జన్మనిచ్చారు. ఈ శుభవార్తను రణదీప్ హుడా దంపతులు సోషల్ మీడియా వేదికగా అభిమానులతో పంచుకున్నారు.తమ జీవితంలోకి కొత్త సభ్యురాలు రావడంతో ఎంతో ఆనందంగా ఉన్నామని ఈ జంట పేర్కొన్నారు.

Randeep Hooda | బాలీవుడ్‌లో తన విభిన్నమైన నటనతో గుర్తింపు పొందిన నటుడు రణదీప్ హుడా కుటుంబంలో ఆనందం నెలకొంది. ఆయన భార్య లిన్ లైష్రామ్ పండంటి ఆడబిడ్డకు జన్మనిచ్చారు. ఈ శుభవార్తను రణదీప్ హుడా దంపతులు సోషల్ మీడియా వేదికగా అభిమానులతో పంచుకున్నారు.తమ జీవితంలోకి కొత్త సభ్యురాలు రావడంతో ఎంతో ఆనందంగా ఉన్నామని ఈ జంట పేర్కొన్నారు. చిన్నారి పుట్టడంతో తమ కుటుంబం మరింత సంపూర్ణమైందని వారు తెలిపారు. ఈ వార్త తెలిసిన వెంటనే సినీ ప్రముఖులు, అభిమానులు సోషల్ మీడియా ద్వారా వారికి అభినందనలు తెలియజేస్తున్నారు.

ఈ సందర్భంగా మరో ఆసక్తికరమైన విషయం కూడా వెలుగులోకి వచ్చింది. పుట్టిన చిన్నారి సరిగ్గా రణదీప్ హుడా తండ్రి రణబీర్ హుడా పుట్టినరోజు నాడే జన్మించింది. దీంతో ఈ రోజు వారి కుటుంబానికి మరింత ప్రత్యేకంగా మారింది. తాత, మనవరాలు ఇద్దరూ ఒకే రోజు పుట్టినరోజు జరుపుకోవడం తమకు చాలా భావోద్వేగ క్షణమని రణదీప్ హుడా దంపతులు తెలిపారు. ఈ సందర్భం జీవితాంతం గుర్తుండిపోయే ప్రత్యేక జ్ఞాపకంగా నిలుస్తుందని వారు పేర్కొన్నారు.

రణదీప్ హుడా 2023లో మణిపూర్‌కు చెందిన మోడల్, నటి లిన్ లైష్రామ్ను వివాహం చేసుకున్న సంగతి తెలిసిందే. వారి పెళ్లి సంప్రదాయ మణిపురి పద్ధతిలో ఘనంగా జరిగింది. అప్పటి నుంచి ఈ జంట సోషల్ మీడియాలో తరచూ తమ వ్యక్తిగత జీవితానికి సంబంధించిన ఫోటోలు, వీడియోలను అభిమానులతో పంచుకుంటూ వస్తున్నారు. ఇప్పుడు తమ కుటుంబంలోకి ఆడబిడ్డ రావడంతో ఈ దంపతులు కొత్త జీవితాన్ని ప్రారంభిస్తున్నారు. ప్రస్తుతం రణదీప్ హుడా కుటుంబానికి సినీ ప్రముఖులు, అభిమానులు పెద్ద ఎత్తున శుభాకాంక్షలు తెలియజేస్తున్నారు.