Visit:
Minister Vivek | ధర్మారం, నవంబర్ 30: పెద్దపల్లి జిల్లా ధర్మారం మండల కేంద్రంలో రాష్ట్ర మైనింగ్, కార్మిక, ఉపాధి కల్పన శాఖ మంత్రి గడ్డం వివేక్ వెంకటస్వామి జన్మదిన వేడుకలను కాంగ్రెస్ సీనియర్ నాయకుడు, ఏఎంసీ మాజీ వైస్ చైర్మన్ కాడే సూర్యనారాయణ ఆధ్వర్యంలో ఆదివారం నిర్వహించారు.
స్థానిక అంబేద్కర్ చౌరస్తాలో వేడుకలను నిర్వహించగా సూర్యనారాయణ కేక్ కట్ చేసి స్వీట్లు పంపిణీ చేశారు. మంత్రి వివేక్ వెంకటస్వామి ఇలాంటి జన్మదిన వేడుకలు మరెన్నో జరుపుకోవాలని, అమాత్యుడిగా పేద ప్రజలకు సేవలందించి వారి మన్ననలు పొందాలని ఆకాంక్షించారు. ఈ కార్యక్రమంలో ఏఎంసీ డైరెక్టర్ శ్రీనివాస్, మండల మాజీ కోఆప్షన్ సభ్యుడు ఎండీ బాబా, కంసాని ఎల్లయ్య, పలు గ్రామాల కాంగ్రెస్ పార్టీ కార్యకర్తలు తదితరులు పాల్గొన్నారు.
