Huzurabad | క్రీడలతో యువతలో ఐకమత్యం, క్రమశిక్షణ పెంపొందుతాయి.. చెల్పూర్‌ సర్పంచ్ కస్తూరి

కరీంనగర్ జిల్లా హుజూరాబాద్ మండలం చెల్పూర్ గ్రామంలో నియోజకవర్గ స్థాయి క్రికెట్ టోర్నమెంట్‌కు ముఖ్య అతిథిగా స్థానిక సర్పంచ్ కస్తూరి హాజరై క్రికెట్ టోర్నమెంట్‌ను ఆదివారం ప్రారంభించారు. ఈ సందర్భంగా సర్పంచ్ కస్తూరి మాట్లాడుతూ యువత చదువుతో పాటు క్రీడల్లోనూ రాణించాలని సూచించారు.

• చెల్పూర్‌లో హుజురాబాద్‌ నియోజకవర్గ స్థాయి క్రికెట్ టోర్నమెంట్ ప్రారంభం

Huzurabad | హుజూరాబాద్ రూరల్, అక్టోబర్ 11 : కరీంనగర్ జిల్లా హుజూరాబాద్ మండలం చెల్పూర్ గ్రామంలో నియోజకవర్గ స్థాయి క్రికెట్ టోర్నమెంట్‌కు ముఖ్య అతిథిగా స్థానిక సర్పంచ్ కస్తూరి హాజరై క్రికెట్ టోర్నమెంట్‌ను ఆదివారం ప్రారంభించారు. ఈ సందర్భంగా సర్పంచ్ కస్తూరి మాట్లాడుతూ యువత చదువుతో పాటు క్రీడల్లోనూ రాణించాలని సూచించారు. క్రీడలు శారీరక దృఢత్వాన్ని పెంపొందించడమే కాకుండా, మానసిక ఉల్లాసాన్ని అందిస్తాయని పేర్కొన్నారు. క్రీడల ద్వారా యువతలో క్రమశిక్షణ, పట్టుదల, జట్టుగా పనిచేసే తత్వం, స్నేహభావం పెంపొందుతాయని అన్నారు.

గ్రామీణ ప్రాంతాల్లోని క్రీడాకారుల్లో దాగి ఉన్న ప్రతిభను వెలికితీసేందుకు ఇలాంటి టోర్నమెంట్లు ఎంతగానో దోహదపడతాయని తెలిపారు. క్రీడాకారులు క్రీడాస్ఫూర్తితో పోటీల్లో పాల్గొని తమ ప్రతిభను చాటుకోవాలని ఆకాంక్షించారు. చెల్పూర్ గ్రామంలో నియోజకవర్గ స్థాయి క్రికెట్ టోర్నమెంట్ నిర్వహించడం పట్ల క్రీడాభిమానులు హర్షం వ్యక్తం చేశారు. ఈ కార్యక్రమంలో మాజీ సర్పంచ్ పోలంపల్లి శ్రీనివాసరెడ్డి, వార్డు సభ్యులు తదితరులు పాల్గొన్నారు.