Visit:
కరీంనగర్‌ కలెక్టరేట్‌, ఫిబ్రవరి 24 : మెదక్‌- నిజామాబాద్‌- కరీంనగర్‌- ఆదిలాబాద్‌ పట్టభద్రుల, ఉపాధ్యాయ నియోజకవర్గాల ఎమ్మెల్సీ ఎన్నికల్లో ఓటు హకు వినియోగించుకునేందుకు ఈ నెల 27న ప్రభుత్వోద్యోగులకు ప్రత్యేక సాధారణ సెలవు వర్తిస్తుందని ఎన్నికల రిటర్నింగ్‌ అధికారి, కరీంనగర్‌ కలెక్టర్‌ పమేలా సత్పతి సోమవారం ఒక ప్రకటనలో తెలిపారు.
గ్రాడ్యుయేట్‌, ఉపాధ్యాయ ఎమ్మెల్సీ ఎన్నికల కోసం నమోదిత ఓటర్లుగా ఉన్నవారు తమ ఓటు వినియోగించుకునేందుకు ఈ సెలవు వర్తిస్తుందని చెప్పారు. వ్యాపార, వాణిజ్య, పారిశ్రామిక సంస్థ లేదా ఇతర అన్ని ప్రైవేట్‌ మేనేజ్మెంట్‌, అథారిటీలలో పని చేస్తూ గ్రాడ్యుయేట్‌ ఓటు హకు ఉన్న ఉద్యోగులు, కార్మికులు సైతం వారి ఓటు హకును వినియోగించుకునేందుకు యాజమాన్యాలు అనుమతి, వెసులుబాటు ఇవ్వాలని సూచించారు. ప్రైవేటు ఉద్యోగులు, కార్మికులు ఎమ్మెల్సీ ఎన్నికల్లో ఓటు వేసేందుకు షిఫ్టుల సర్దుబాటు, డ్యూటీ గంటల తగ్గింపు, ఆలస్యంగా హాజరుకావడానికి అనుమతి వంటి సౌకర్యాలు కల్పించాలని సూచించారు.
