Eye donation | నేత్రదానంతో ఇద్దరు అంధులకు చూపు.. ఓదెలలో నేత్రదానం

పెద్దపల్లి జిల్లా ఓదెల మండల కేంద్రంలో నేత్రదానం చేసిన ఎంబాడి చంద్రయ్య సంస్మరణ సభ సదాశయ ఫౌండేషన్ ఆధ్వర్యంలో మంగళవారం నిర్వహించారు. నేత్రదానం చేసిన కుటుంబ సభ్యులను అభినందించి జ్ఞాపికను అందజేశారు

Eye donation | ఓదెల, జూన్ 24 : పెద్దపల్లి జిల్లా ఓదెల మండల కేంద్రంలో నేత్రదానం చేసిన ఎంబాడి చంద్రయ్య సంస్మరణ సభ సదాశయ ఫౌండేషన్ ఆధ్వర్యంలో మంగళవారం నిర్వహించారు. నేత్రదానం చేసిన కుటుంబ సభ్యులను అభినందించి జ్ఞాపికను అందజేశారు. ఈ సందర్భంగా పలువురు మాట్లాడుతూ మరణాంతరం కండ్లు మట్టిలో కలిసిపోవడం కంటే, దానం చేయడం వల్ల ఇద్దరు అంధులకు చూపు ప్రసాదించిన వారవుతారన్నారు.

ప్రజలు మూఢనమ్మకాలను వదిలి మరణించిన తర్వాత నేత్రాలను దానం చేయడానికి ముందుకు రావాలని అవగాహన కల్పించారు. ఈ కార్యక్రమంలో మాజీ సర్పంచ్ ఆకుల మహేందర్, సదాశయ ఫౌండేషన్ జాతీయ కార్యదర్శి డాక్టర్ భీష్మాచారి, క్యాతం మల్లేశం తదితరులు పాల్గొన్నారు.