Korutla | కోరుట్లలో ప్రశాంతంగా ఆర్టీసీ కార్మిక గుర్తింపు సంఘం ఎన్నికలు

కోరుట్ల పట్టణంలోని టీజీ ఆర్టీసీ డిపో ఆవరణలో శుక్రవారం ఆర్టీసీ కార్మికుల గుర్తింపు సంఘం ఎన్నికలు ప్రశాంత వాతావరణంలో కొనసాగుతున్నాయి. రాష్ట్రవ్యాప్తంగా నిర్వహిస్తున్న ఈ ఎన్నికల్లో భాగంగా కోరుట్ల ఆర్టీసీ డిపోలో కార్మికులు తమ ఓటు హక్కును వినియోగించుకుంటున్నారు.

Korutla | కోరుట్ల, సెప్టెంబర్ 9 : కోరుట్ల పట్టణంలోని టీజీ ఆర్టీసీ డిపో ఆవరణలో శుక్రవారం ఆర్టీసీ కార్మికుల గుర్తింపు సంఘం ఎన్నికలు ప్రశాంత వాతావరణంలో కొనసాగుతున్నాయి. రాష్ట్రవ్యాప్తంగా నిర్వహిస్తున్న ఈ ఎన్నికల్లో భాగంగా కోరుట్ల ఆర్టీసీ డిపోలో కార్మికులు తమ ఓటు హక్కును వినియోగించుకుంటున్నారు. గత పదేళ్లుగా ఆర్టీసీలో గుర్తింపు సంఘం ఎన్నికలు నిర్వహించకపోవడంతో తమ సమస్యలను పరిష్కరించుకునేందుకు సరైన వేదిక లేక కార్మికులు ఇబ్బందులు ఎదుర్కొన్నారు. తాజాగా ఎన్నికలు నిర్వహిస్తుండటంతో కార్మికులు సంతోషం వ్యక్తం చేశారు.

తమ సమస్యలను యాజమాన్యం దృష్టికి తీసుకెళ్లి పరిష్కారానికి కృషి చేసే సంఘాన్ని ఎన్నుకునేందుకు ఆసక్తి చూపుతున్నారు. కోరుట్ల డిపోలో 186 మంది ఓటర్లు ఉండగా, ఇప్పటివరకు 140 మంది తమ ఓటు హక్కును వినియోగించుకున్నారు. ఉదయం 5 గంటల నుంచి సాయంత్రం 6 గంటల వరకు పోలింగ్ నిర్వహించేందుకు అధికారులు ఏర్పాట్లు చేశారు. ఎన్నికలు ప్రశాంతంగా జరిగేలా డిపో అధికారులు అవసరమైన ఏర్పాట్లు చేశారు.