కిడ్నీలో రాళ్లు.. ఆపరేషన్ వికటించి బీఆర్ఎస్ నేత అనిల్ మృతి
తంగళ్లపల్లి మండల కేంద్రానికి చెందిన మాజీ ఎంపీపీ పడిగెల రాజు సోదరుడు, బీఆర్ఎస్ నేత పడిగెల అనిల్ కుమార్ (44) మృతిచెందారు. గతకొంత కాలంగా కిడ్ని సమస్యలతో బాధపడుతున్న ఆయన గురువారం ఉదయం హైదరాబాద్లోని ఓ ప్రైవేటు దవాఖానాలో మరణించారు.
సిరిసిల్ల రూరల్, జూలై 17: తంగళ్ళపల్లి మండల కేంద్రానికి చెందిన మాజీ ఎంపీపీ పడిగెల రాజు సోదరుడు, బీఆర్ఎస్ నేత పడిగెల అనిల్ కుమార్ (44) హైదరాబాద్లో ప్రైవేటు దవాఖానాలో గురువారం తెల్లవారు జామున చికిత్స పొందుతూ మృతిచెందాడు. గత నెల రోజుల క్రితం పడిగెల అనిల్ కుమార్కు కిడ్నీల్లో రాళ్లు రావడంతో హైదరాబాద్లోని యశోద దవాఖానలో ఆపరేషన్ ఆపరేషన్ ఫెయిల్ కావడంతో ప్రాణాపాయ స్థితికి చేరాడు. అనిల్ ఆపరేషన్ విషయాన్ని పడిగల రాజు బీఆర్ఎస్ వర్కింగ్ ప్రెసిడెంట్ కేటీఆర్కు తీసుకెళ్లగా, రూ.4.50లక్షల వరకు బిల్ కట్టించి పంపించారు. యశోద దవాఖాన వైద్యుల సూచన మేరకు నెల రోజుల పాటు అబ్జర్వేషన్లో ఉంచాలని చెప్పడంతో మదీనాగూడలోని అర్చన దవాఖానకు అనిల్ను తీసుకెళ్ళారు.
అక్కడి వైద్యుల పర్యవేక్షణలో ఉన్న అనిల్కు సుమారు. రూ.10 లక్షల వరకు వైద్య ఖర్చులకు వెచ్చించారు. అయినప్పటికీ అనిల్ గురువారం తెల్లవారు జామున 4 గంటల ప్రాంతంలో చికిత్స పొందుతూ దవాఖానలో మృతి చెందాడు. అనిల్ మృతి చెందడంతో దవాఖాన యాజమాన్యం, వైద్యులతో అనిల్ కుటుంబ సభ్యులు, బంధువులు ఆగ్రహం వ్యక్తం చేశారు. బాగు చేస్తామని చెప్పి, లక్షలు తీసుకొని శవాన్ని ఇచ్చారంటూ కన్నీరు మున్నీరుగా విలపిస్తున్నారు. అనిల్కు భార్య, ముగ్గురు కొడుకులు ఉన్నారు. అనిల్ మృతితో తంగళ్ళపల్లిలో విషాదం నెలకొంది.
Read Today's Latest Karimnagar Karimnagar News in Telugu and Telugu News
- Tags
- BRS
- kidney disease
- KTR
- Sircilla
RELATED ARTICLES
తాజా వార్తలు
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

