Visit:
Sircilla | సిరిసిల్ల రూరల్, నవంబర్ 30 : పంచాయతీ ఎన్నికల నేపథ్యంలో జిల్లా సరిహద్దు చెక్ పోస్టుల్లో సిబ్బంది అప్రమత్తంగా విధులు నిర్వహించాలని సిరిసిల్ల డీఎస్పీ నాగేంద్ర చారి సూచించారు. ఈ మేరకు ఆదివారం తంగళ్లపల్లి పోలీస్ స్టేషన్ పరిధిలోని జిల్లెళ్ల లోని జిల్లా సరిహద్దులో ఏర్పాటు చేసిన చెక్‌పోస్ట్‌ను ఆయన ఆకస్మిక తనిఖీ చేశారు. ఈ సందర్భంగా వాహన తనిఖీలు చేసి, నమోదు చేసిన రిజిస్టర్‌ను పరిశీలించడంతో పాటు ప్రత్యక్షంగా పోలీస్ సిబ్బంది వాహనాలు తనిఖీలు చేస్తున్న తీరును క్షేత్రస్థాయిలో పరిశీలించారు.
తనిఖీల సమయంలో సిబ్బంది అప్రమత్తంగావ్యవహారించందంతో పాటు వాహనాలను క్షుణ్ణంగా తనిఖీ చేసి అక్రమ నగదు, మద్యం రవాణాను అరికట్టాలని సూచించారు. ఓటర్లను ప్రలోభ పెట్టడానికి డబ్బులు, మద్యం, ఇతర విలువైన వస్తువులు తీసుకొని వెళ్తున్నట్లు సమాచారం ఉంటే పోలీస్ స్టేషన్ వారికి సమాచారం అందించాలని సూచించారు. శాంతి భద్రతలకు విఘాతం కలిగించే చర్యలకు ఎవరైనా పాల్పడితే వారిపై ఎన్నికల నియమావళి ప్రకారం ప్రకారం.. చట్టరీత్యా కఠిన చర్యలు తీసుకుంటామని పేర్కొన్నారు.
