Ganneruvaram | గన్నేరువరం పోలీస్ స్టేషన్లో విద్యార్థులకు ఓపెన్ హౌస్

పోలీస్ అమరవీరుల వారోత్సవాల్లో భాగంగా గన్నేరువరం పోలీస్ స్టేషన్లో విద్యార్థులకు ఓపెన్ హౌస్ కార్యక్రమాన్ని సోమవారం నిర్వహించారు.

Ganneruvaram | గన్నేరువరం, సెప్టెంబర్ 26 : పోలీస్ అమరవీరుల వారోత్సవాల్లో భాగంగా గన్నేరువరం పోలీస్ స్టేషన్లో విద్యార్థులకు ఓపెన్ హౌస్ కార్యక్రమాన్ని సోమవారం నిర్వహించారు. ఈ సందర్భంగా ఎస్ఐ నరేందర్ రెడ్డి పోలీసుల విధులు, బాధ్యతలు, ప్రజల రక్షణలో పోలీసుల పాత్ర, శాంతిభద్రతల పరిరక్షణలో పోలీస్ శాఖ అందిస్తున్న సేవల గురించి విద్యార్థులకు అవగాహన కల్పించారు. పోలీస్ శాఖలో వినియోగించే వివిధ రకాల ఆయుధాలు, భద్రతా పరికరాలు, కమ్యూనికేషన్ పరికరాలు, నేర పరిశోధనకు ఉపయోగించే సాంకేతిక పరిజ్ఞానం, ఆధునిక పోలీసింగ్ విధానాల గురించి విద్యార్థులకు వివరించారు.