Paddy Scam | ఎమ్మెల్యే చెప్పినా రైతులకు అధికారులు డబ్బులు ఇవ్వడం లేదు.. ధాన్యం కుంభకోణం నిందితుడి ఇంటిపై రైతుల నిరసన

రాష్ట్రవ్యాప్తంగా సంచలనం కలిగించిన ధాన్యం కుంభకోణం విచారణ జరిగిన ప్రస్తుతం బాధితులుగా రైతులు మిగిలారు. అయితే మర్రిపల్లి, నూకలమర్రి కొనుగోలు కేంద్రాల ద్వారా 48 మంది రైతులు సహకార సంఘం ద్వారా ఏడు లారీల ధాన్యాన్ని విక్రయించగా కుంభకోణంలో భాగంగా అక్రమాలకు పాల్పడిన వేములవాడ పట్టణం మార్కండేయ నగర్ లోని మధుకర్ అనే నిందితుడి నిర్మాణంలో ఉన్న భవనం పైకి ఎక్కి కాంగ్రెస్ నాయకులతో కలిసి రైతులు సోమవారం నిరసన వ్యక్తం చేశారు.

• 48 మంది రైతుల ఏడు లారీల ధాన్యం డబ్బులు 52 లక్షల బాకీ..
• కలెక్టర్ తో సహా అధికారులు పట్టించుకోవడంలేదంటున్న కాంగ్రెస్ నాయకులు

మూడు గ్రామాల పరిధిలో 48 మంది రైతులకు 52 లక్షల రూపాయల నగదు రావాల్సి ఉండగా అధికారులు పూర్తి నిర్లక్ష్యంగా వ్యవహరిస్తున్నారని ఆరోపించారు. జిల్లా కలెక్టర్ కు రైతులు వెళ్లి మొరపెట్టుకుంటే డీసీఎంకు దగ్గరకు వెళ్లాలని సూచిస్తుండగా మా చేతిలో ఏమీ లేదని వారు తిప్పి పంపుతున్నారని అన్నారు. అయితే సాక్షాత్తు ఎమ్మెల్యే ఆది శ్రీనివాస్‌ కూడా అధికారులకు ఫోన్ చేసిన రేపు మాపు అంటూ రైతులను తిప్పుతూ పని చేయడం లేదని ఆయన ఆరోపించారు. ఒకవైపు ఎలినో తో పంటలు పండే పరిస్థితి లేక కొట్టుమిట్టాడుతుండగా కనీసం విక్రయించిన ధాన్యం పైసలు కూడా అధికారులు ఇవ్వకుండా వేధిస్తున్నారని మండిపడ్డారు.