Peddapally | శిశువులకు రోటాసిల్‌ వ్యాక్సిన్‌ వేయాలి.. డీఎంహెచ్‌వో డాక్టర్‌ అన్న ప్రసన్న కుమారి

శిశువులకు తప్పనిసరిగా రోటాసిల్‌ వ్యాక్సిన్‌ వేయాలని డీఎంహెచ్‌వో డాక్టర్‌ అన్న ప్రసన్న కుమారి వైద్య సిబ్బందికి సూచించారు.పెద్దపల్లి ప్రాథమిక ఆరోగ్య కేంద్రంలో శిశువుకు రోటాసిల్‌ వ్యాక్సిన్‌ వేసి బుధవారం ప్రారంభించారు.

Peddapally | పెద్దపల్లి, జూన్‌11: శిశువులకు తప్పనిసరిగా రోటాసిల్‌ వ్యాక్సిన్‌ వేయాలని డీఎంహెచ్‌వో డాక్టర్‌ అన్న ప్రసన్న కుమారి వైద్య సిబ్బందికి సూచించారు.పెద్దపల్లి ప్రాథమిక ఆరోగ్య కేంద్రంలో శిశువుకు రోటాసిల్‌ వ్యాక్సిన్‌ వేసి బుధవారం ప్రారంభించారు. ఈ సందర్బంగా ఆమె మాట్లాడుతూ, రోటాసిల్‌ వ్యాక్సిన్‌ను 6 వారాల వయస్సు గల శిశువుకు ఓపీవీ, పెంటా వాలెంట్‌ మొదటి డోసుతో పాటు ఇవ్వాలని సూచించారు.

రెండో డోసు 10 వారాలకు, మూడో డోసు 14 వారాల వయస్సు గల పిల్లలకు నోటి ద్వారా 2 ఎంఎల్‌ డోసు ఇవ్వాలని, బూస్టర్‌ డోసు అవసరం లేదని స్పష్టం చేశారు. రోటా వైరస్ సోకిన పిల్లలలో తీవ్ర నీళ్ల విరోచనాలతో పాటు జ్వరం, వాంతులు, కొన్ని సార్లు కడుపు ప్పి కూడా ఉంటుందని తెలిపారు. ఈ కార్యక్రమంలో వైద్యులు కిరణ్‌ కుమార్‌, స్వాతి భాను, సిబ్బంది పాల్గొన్నారు.