సంతోషంగా లేనప్పుడు సంబురాలెందుకు?

కాంగ్రెస్‌ ఏడాది పాలనలో తాము సంతోషంగా లేమని ప్రజలే చెబుతున్నప్పుడు ప్రజాపాలన విజయోత్సవాల సంబురాలెందుకు నిర్వహిస్తున్నారో తెలియని పరిస్థితి రాష్ట్రంలో ఉందని పెద్దపల్లి మాజీ ఎమ్మెల్యే దాసరి మనోహర్‌రెడ్డి విమర్శించారు. ప్రస్తుత ప్రభుత్వంలో ప్రజలు అష్టకష్టాలు పడుతున్నారని, ఈ సమయంలో రైతులు, విద్యార్థులు, ఆడబిడ్డలు, వృద్ధులకు ఇచ్చిన వాగ్దానాలను అమలు చేసి చిత్తశుద్ధిని చాటుకోవాలని డిమాండ్‌ చేశారు. ఏడాది కాలంలోనే కాంగ్రెస్‌ పూర్తిగా విఫలమైందని, సీఎం ఎన్ని సభలు పెట్టినా ప్రజలు నమ్మే పరిస్థితుల్లో లేరన్నారు.

• పెద్దపల్లి మాజీ ఎమ్మెల్యే దాసరి మనోహర్‌రెడ్డి

పెద్దపల్లి, డిసెంబర్‌3: కాంగ్రెస్‌ ఏడాది పాలనలో తాము సంతోషంగా లేమని ప్రజలే చెబుతున్నప్పుడు ప్రజాపాలన విజయోత్సవాల సంబురాలెందుకు నిర్వహిస్తున్నారో తెలియని పరిస్థితి రాష్ట్రంలో ఉందని పెద్దపల్లి మాజీ ఎమ్మెల్యే దాసరి మనోహర్‌రెడ్డి విమర్శించారు. ప్రస్తుత ప్రభుత్వంలో ప్రజలు అష్టకష్టాలు పడుతున్నారని, ఈ సమయంలో రైతులు, విద్యార్థులు, ఆడబిడ్డలు, వృద్ధులకు ఇచ్చిన వాగ్దానాలను అమలు చేసి చిత్తశుద్ధిని చాటుకోవాలని డిమాండ్‌ చేశారు. ఏడాది కాలంలోనే కాంగ్రెస్‌ పూర్తిగా విఫలమైందని, సీఎం ఎన్ని సభలు పెట్టినా ప్రజలు నమ్మే పరిస్థితుల్లో లేరన్నారు. హైదరాబాద్‌లోని బీఆర్‌ఎస్‌ భవన్‌లో మంగళవారం ఏర్పాటు చేసిన విలేకరుల సమావేశంలో ఆయన మాట్లాడారు. అసెంబ్లీ ఎన్నికల్లో కాంగ్రెస్‌ అడ్డగోలు హామీలు గుప్పించిందని, ప్రజలను నమ్మించి ఓట్లు దండుకున్నదని దుయ్యబట్టారు. అధికారంలోకి వచ్చి ఏడాది అవుతున్నా హామీలు పూర్తి స్థాయిలో అమలు చేయలేదని ధ్వజమెత్తారు. కేసీఆర్‌ పాలనలోనే పెద్దపల్లి జిల్లాలో అనేక అభివృద్ధి పనులు జరిగాయని గుర్తు చేశారు. బీఆర్‌ఎస్‌ ప్రభుత్వంలో మంజూరైన పనులకే కొత్తగా శంకుస్థాపన చేస్తున్నారని ఆరోపించారు. బుధవారం పెద్దపల్లికి రేవంత్‌రెడ్డి వస్తున్నారని, జిల్లా అభివృద్ధికి ఏడాదిలో కాంగ్రెస్‌ ప్రభుత్వం ఎన్ని నిధులు కేటాయించిందో చెప్పాలని డిమాండ్‌ చేశారు.

గని కార్మికుల హామీలు అమలు చేయండి

• టీబీజీకేఎస్‌ అధ్యక్షుడు మిర్యాల రాజిరెడ్డి