land survey | భూ సర్వేకు రైతులు సహకరించాలి.. అదనపు కలెక్టర్ బీఎస్ లత

గ్రామంలో చేపట్టే భూసర్వేకు రైతులు సహకరించాలని అదనపు కలెక్టర్ బీఎస్ లత అన్నారు. బీర్పూర్ మండలంలోని కొమన్ పల్లి గ్రామ పంచాయతీ పరిధిలోని డొంకేశ్వరం గ్రామంలో భూభారతి భూ రీసర్వే చేపట్టడం కోసం మంగళవారం రైతులకు అవగాహన కార్యక్రమాన్ని నిర్వహించారు.

land survey | సారంగాపూర్, జూన్ 23 : గ్రామంలో చేపట్టే భూసర్వేకు రైతులు సహకరించాలని అదనపు కలెక్టర్ బీఎస్ లత అన్నారు. బీర్పూర్ మండలంలోని కొమన్ పల్లి గ్రామ పంచాయతీ పరిధిలోని డొంకేశ్వరం గ్రామంలో భూభారతి భూ రీసర్వే చేపట్టడం కోసం మంగళవారం రైతులకు అవగాహన కార్యక్రమాన్ని నిర్వహించారు. ఈ కార్యక్రమంలో అదనపు కలెక్టర్ బీఎస్ లత భూ సర్వేపై రైతులకు అవగాహన కల్పించారు.

ఈ సందర్భంగా మాట్లాడుతూ గ్రామంలో గ్రామానికి చుట్టు హద్దులు ఏర్పాటు చేసి గ్రామంలోని ప్రతీ రైతుకు చెందిన భూమిని సర్వేయర్ల ద్వారా కొల్వనున్నామని, దీనికి రైతులందరూ సహకరించాలని కోరారు. గ్రామంలో ఏ రైతుకు చెందిన భూములు ఎప్పుడు కొలుస్తారో సమాచారం ఇస్తారని, అప్పుడు ఆ రైతులు అందుబాటులో ఉండి అధికారులకు సహకరించాని అన్నారు.

రైతులకు ఏమైన సమస్యలు ఉంటే అధికారుల దృష్టికి తీసుకువస్తే సమస్యలు పరిష్కరిస్తామన్నారు. ఈ కార్యక్రమంలో ఆర్డీవో మధుసూధన్, తహసీల్దార్ సుజాత, డిప్యూటీ తహసీల్దార్ బొమ్మకంటి శ్రీనివాస్, సర్పంచ్ సీపతి స్వాతి, ఏడీడీఏ, సంబంధిత శాఖ అధికారులు, రైతులు తదితరులు పాల్గొన్నారు.