urea | కాల్వ శ్రీరాంపూర్‌లో యూరియా కోసం రైతుల తిప్పలు

కాల్వ శ్రీరాంపూర్ మండలంలో యూరియా కోసం రైతులు తీవ్ర ఇబ్బందులు పడుతున్నారు. కూనారం సహకార సంఘానికి సోమవారం యూరియా రావడంతో రైతులు బారులు తీరారు. ఒక్కో రైతుకు కేవలం రెండు బస్తాలు ఇచ్చి అధికారులు చేతులు దులుపుకున్నారు.

urea |  కాల్వ శ్రీరాంపూర్, ఆగస్టు 11 : కాల్వ శ్రీరాంపూర్ మండలంలో యూరియా కోసం రైతులు తీవ్ర ఇబ్బందులు పడుతున్నారు. కూనారం సహకార సంఘానికి సోమవారం యూరియా రావడంతో రైతులు బారులు తీరారు. ఒక్కో రైతుకు కేవలం రెండు బస్తాలు ఇచ్చి అధికారులు చేతులు దులుపుకున్నారు. ఈ విషయమై మండలంలో యూరియా కొరత ఉన్నట్లు స్పష్టంగా అర్థమవుతుందని రైతులు ఆరోపిస్తున్నారు.

అధికార యంత్రాంగం స్పందించి మండలంలో యూరియా కొరత లేకుండా చూడాలని పలు గ్రామాల రైతుల డిమాండ్‌ చేస్తున్నారు. ఈ విషయమై మండల వ్యవసాయ అధికారి నాగార్జునను వివరణ కోరగా సహకార సంఘానికి కేవలం 6 వందల యూరియా బస్తాలు మాత్రమే వచ్చాయని, రేపటిలోగా మరో 450 బస్తాల యూరియా వస్తుందని, రైతులు ఎవరూ ఆందోళన చెందవద్దని సూచించారు.