అక్కాబావలే హంతకులు!
అక్కా బావలే ఆమె పాలిట కాలయములయ్యారు. ఆరుగుంటల భూమి కోసం చున్నీతో ఉరి వేసి ఆత్మహత్యగా చిత్రీకరించడానికి ప్రయత్నించారు. గంగాధర మండలం గర్శకుర్తిలో ఈ నెల 15న జరిగిన యువతి అనుమానాస్పద మృతి కేసును పోలీసులు ఛేదించి, నిందితులను అరెస్ట్ చేసి వివరాలు వెల్లడించారు.
- ఆరు గుంటల భూమి కోసం ఘాతుకం
- ఉరేసి ఆత్మహత్యగా చిత్రీకరణ
- గర్శకుర్తిలో కలకలం రేపిన యువతి హత్య
గంగాధర, జూలై 19: అక్కా బావలే ఆమె పాలిట కాలయములయ్యారు. ఆరుగుంటల భూమి కోసం చున్నీతో ఉరి వేసి ఆత్మహత్యగా చిత్రీకరించడానికి ప్రయత్నించారు. గంగాధర మండలం గర్శకుర్తిలో ఈ నెల 15న జరిగిన యువతి అనుమానాస్పద మృతి కేసును పోలీసులు ఛేదించి, నిందితులను అరెస్ట్ చేసి వివరాలు వెల్లడించారు. గర్శకుర్తి గ్రామానికి చెందిన చిందం మాధవి(23) ఈ నెల 15న ఇంట్లో చున్నీతో ఉరేసుకుని మృతిచెంది ఉండగా, ఆమె మేనమామ సిరిమల్లె రాజేశ్ ఫిర్యాదుతో పోలీసులు అనుమానాస్పద మృతిగా కేసు నమోదు చేసి విచారణ చేపట్టారు. మాధవి మరో యువకుడితో చనువుగా ఉండడం, వారి కుటుంబం పేరిట ఉన్న 12 గుంటల్లో ఆరు గుంటల భూమిని పంచి ఇవ్వడం లేదని తిమ్మాపూర్ మండలం నుస్తులాపూర్ గ్రామానికి చెందిన ఆమె అక్కాబావ గుండా ఆంజనేయులు, మానస కక్ష పెంచుకున్నారు.
మాధవిని చంపి 12 గుంటల భూమిని కాజేయాలని పథకం వేశారు. అనుకున్నట్లుగానే ఈ నెల 14న రాత్రి 9 గంటల సమయంలో ఆంజనేయులు నుస్తులాపూర్ నుంచి గర్శకుర్తికి వచ్చాడు. ఇంట్లో మాధవి ఒక్కతే ఉన్నదని తెలుసుకుని భూమి, కుటుంబ తగాదాల విషయంలో గొడవపడ్డాడు. చున్నీతో ఉరివేసి హత్య చేశాడు. చనిపోయిందని నిర్ధారించుకున్న తర్వాత ఎవరికీ అనుమానం రాకుండా శవాన్ని ఇంట్లోని ఫ్యానుకు ఉరివేసుకున్నట్టు వేలాడదీసి నుస్తులాపూర్కు వెళ్లాడు. జరిగిన విషయాన్ని భార్య మానసకు వివరించాడు. తర్వాత ఏమీ ఎరగనట్లు మాధవి చనిపోయిన విషయాన్ని తెలుసుకుని గర్శకుర్తికి వచ్చామని అందరికీ చెబుతూ నటించారు. కాగా, అన్ని కోణాల్లో విచారణ చేసిన పోలీసులు తమదైన రీతిలో విచారణ చేయగా అక్కాబావలే హంతకులుగా తేలింది. పథకం ప్రకారం మాధవిని హత్య చేసిన గుండా ఆంజనేయులు, హత్యకు ప్రోత్సహించిన గుండా మానసను అరెస్టు చేసి కోర్టులో హాజరు పరచినట్లు చొప్పదండి సీఐ ప్రకాశ్గౌడ్ తెలిపారు.
Read Today's Latest Karimnagar News in Telugu and Telugu News
RELATED ARTICLES
తాజా వార్తలు
Shivaranjani | రూ.9 కోట్ల ఖరీదైన మందు పేదలకు రూ.2.5 లక్షలకే.. హైదరాబాద్ వైద్యురాలి గొప్ప ప్రయత్నం
Revanth vs Raja Gopal Reddy | రేవంత్ మెంటల్ స్టేటస్ బాలేదు.. సీఎంపై రాజగోపాల్ రెడ్డి మరోసారి విమర్శలు
Revanth Reddy | సిద్దిపేటలో సీఎం అబద్ధాల వరద.. అసలు నిజాలు ఏమిటో చర్చించుకుంటున్న జనం
Sampath Kumar | ఏఐసీసీ కార్యదర్శిగా సంపత్ ఔట్.. కమీషన్ల ఆరోపణల నేపథ్యంలోనే తొలగింపు?
Bigg Boss 10 | బిగ్ బాస్ హౌస్లో అమన్కు డబుల్ ధమాకా.. కొత్త కెప్టెన్గా విజయం,టికెట్ టు ఫినాలేకు నేరుగా ఛాన్స్!
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

