Veenavanka | వీణవంకలో మహాశివరాత్రి వేడుకలకు సర్వంసిద్ధం

వీణవంక మండల కేంద్రంలోని అతిపురాతన శివాలయంతో పాటు మండలంలోని ఆయా గ్రామాల్లో నేడు జరుగనున్న మహాశివరాత్రి వేడుకలకు ఆలయకమిటీల ఆధ్వర్యంలో సర్వం సిద్ధం చేశారు. వీణవంక మండల కేంద్రంలో వెయ్యేళ్ళ చరిత్ర కగలిగిన శివాలయంలో మహాశివరాత్రి వేడుకల్లో భాగంగా భక్తులకు అన్ని రకాల ఏర్పాట్లు చేశారు.

Veenavanka | వీణవంక, ఫిబ్రవరి 14 : వీణవంక మండల కేంద్రంలోని అతిపురాతన శివాలయంతో పాటు మండలంలోని ఆయా గ్రామాల్లో నేడు జరుగనున్న మహాశివరాత్రి వేడుకలకు ఆలయకమిటీల ఆధ్వర్యంలో సర్వం సిద్ధం చేశారు. వీణవంక మండల కేంద్రంలో వెయ్యేళ్ళ చరిత్ర కగలిగిన శివాలయంలో మహాశివరాత్రి వేడుకల్లో భాగంగా భక్తులకు అన్ని రకాల ఏర్పాట్లు చేశారు. ప్రముఖ వేదపండితులు గూడ జగదీశ్వరశర్మ ఆధ్వర్యంలో శివపార్వతుల కల్యాణం నిర్వహించనున్నట్లు తెలిపారు.

ఉదయం గోపూజ, ద్వాదశ జ్యోతిర్లింగముల దర్శనము, సామూహిక మహారుద్రాభిషేకము, ఎదుర్కోళ్ళు, రాత్రి శివపార్వతుల కల్యాణం, అర్ధరాత్రి లింగోద్భవము, అనంతరం ఊంజల్ సేవా, ఆదివారం ఉదయం అన్నపూజ, మధ్యాహ్నం మహాన్నదానము, సాయంత్రం రథోత్సవము ఉంటుందని ఆలయ కమిటీ చైర్మన్ రామిడి శ్రీనివాస్ తెలిపారు. భక్తులు అధిక సంఖ్యలో పాల్గొని స్వామివారి ఆశీస్సులు పొందాలని మండల కేంద్రంతో పాటు నర్సింగాపూర్, చల్లూరు, మామిడాలపల్లి, ఎలుబాక, వలాపూర్, పోతిరెడ్డిపల్లి, కొండపాక, రెడ్డిపల్లి, ఘన్ముక్ల గ్రామాల ఉత్సవ కమిటీ చైర్మన్లు కోరారు.