Plates Distribution | శాలపల్లి ప్రభుత్వ పాఠశాలలో ప్లేట్ల పంపిణీ

గ్రామీణ ప్రాంతాల్లోని ప్రభుత్వ పాఠశాలల్లో చదువుతున్న విద్యార్థులకు సేవ చేయడం ద్వారా విద్యాభ్యాసంలో ఉత్తేజాన్ని పెంచి, వారికి అవసరమైన వనరులు అందించడంతో ఎంతో సహాయపడుతుందని శాలపల్లి ప్రభుత్వ ప్రాథమిక పాఠశాల ప్రధానోపాధ్యాయురాలు శారద అన్నారు.

Plates Distribution | హుజురాబాద్ రూరల్, జూలై 6 : గ్రామీణ ప్రాంతాల్లోని ప్రభుత్వ పాఠశాలల్లో చదువుతున్న విద్యార్థులకు సేవ చేయడం ద్వారా విద్యాభ్యాసంలో ఉత్తేజాన్ని పెంచి, వారికి అవసరమైన వనరులు అందించడంతో ఎంతో సహాయపడుతుందని శాలపల్లి ప్రభుత్వ ప్రాథమిక పాఠశాల ప్రధానోపాధ్యాయురాలు శారద అన్నారు. హుజూరాబాద్ మండలంలోని శాలపల్లి ప్రభుత్వ ప్రాథమిక పాఠశాలలో చదువుతున్న విద్యార్థులకు విద్యార్థుల సంక్షేమం కోసం అనిల్( హోంగార్డ్ ) తన తల్లి స్మారకార్థం సందర్భంగా సోమవారం ఆహార ప్లేట్లు, వాటర్ బాటిల్స్ అందజేసి ఉదారతను చాటుకున్నారు.

ఈ సందర్భంగా ప్రధానోపాధ్యాయురాలు శారద మాట్లాడారు. సేవా కార్యక్రమాల ద్వారా సమాజంలో సేవాభావం పెంపొందుతుందని, ప్రతీ ఒక్కరూ తమ సామర్థ్యం మేరకు మానవత్వంతో ముందుకు రావాలని ఆమె పిలుపునిచ్చారు. ప్లేట్లు, వాటర్ బాటిల్స్ అందజేసిన అనిల్ ను అభినందించారు. ఈ కార్యక్రమంలో మాజీ ఉపసర్పంచ్ అశోక్ కుమార్, పద్మశాలి సంఘం అధ్యక్షుడు వేముల రమేష్, తిరుపతయ్య, సమ్మయ్య, రాజేశం, సాకేత్, ఆదిత్యతో పాటు విద్యార్థులు, వారి తల్లిదండ్రులు పాల్గొన్నారు.