Peddapally | క్వారీల బండరాళ్లతో పంటపొలాలు ధ్వంసం.. అధికారులకు మొరపెట్టుకున్నా పట్టించుకోవట్లే..

పెద్దపల్లి మండలం బొంపల్లి గుట్టల వెంట నడిస్తున్న అనుమతులు లేని అక్రమ బండ క్వారీల్లో బ్లాస్టింగ్ లతో బండరాళ్లు ఎగిరి పడి మా పంట పొలాలకు తీవ్రనష్టం వాటిల్లుతోందని బొంపల్లి గ్రామ బాధిత రైతులు పెద్దపల్లి-ధర్మారం రహదారి పై బైఠాయించి రాస్తారోకో చేశారు. రైతుల రాస్తారోకో తో గంట పాటు ఆ మార్గంలో ప్రయాణికులు, వాహనాల రాకపోకలు నిలిచిపోయాయి.

• న్యాయం చేసినష్టపరిహారం ఇప్పించాలని బొంపల్లి వద్ద రైతుల రాస్తారోకో..

Peddapally | పెద్దపల్లి రూరల్, సెప్టెంబర్ 12 : పెద్దపల్లి మండలం బొంపల్లి గుట్టల వెంట నడిస్తున్న అనుమతులు లేని అక్రమ బండ క్వారీల్లో బ్లాస్టింగ్ లతో బండరాళ్లు ఎగిరి పడి మా పంట పొలాలకు తీవ్రనష్టం వాటిల్లుతోందని బొంపల్లి గ్రామ బాధిత రైతులు పెద్దపల్లి-ధర్మారం రహదారి పై బైఠాయించి రాస్తారోకో చేశారు. రైతుల రాస్తారోకో తో గంట పాటు ఆ మార్గంలో ప్రయాణికులు, వాహనాల రాకపోకలు నిలిచిపోయాయి.

విషయం తెలుసుకున్న పెద్దపల్లి రూరల్ పోలీసులు అక్కడికి చేరుకొని రాస్తారోకో చేస్తున్న రైతులు, గ్రామస్తులతో మాట్లాడి విరమింప జేశారు. ఈ సందర్భంగా బాధిత రైతులు మాట్లాడుతూ బొంపల్లి గుట్టకున్న బండ క్వారీలలో కొన్నింటికి మాత్రమే అనుమతులు ఉన్నాయని, వాటి పేరుతో అనుమతుల సాకుతో అనేక అక్రమ క్వారీలు నడుస్తున్నాయని ఆరోపించారు. ఈ బండ క్వారీ వల్ల మా పంట పొలాలు పాడవుతున్నాయని అధికారులకు ఎన్ని సార్లు మొర పెట్టుకున్నా వారు పట్టించుకోవడం లేదని ఆవేదన వ్యక్తం చేశారు. నష్టపోతున్న తమకు సమాన విలువ కల్గిన భూముల ను ఈ ప్రాంతంలో మరో చోట ఇప్పించాలని, లేదంటే క్వారీలను మొత్తానికే తీసివేయాలని రైతులు డిమాండ్ చేశారు.