Challur | ప్రభుత్వాస్పత్రిలో మెరుగైన సేవలందించాలి.. కరీంనగర్‌ జిల్లా వైద్యాధికారి రాజగోపాల్‌

ప్రభుత్వాస్పత్రిలో మెరుగైన సేవలందించాలని కరీంనగర్‌ జిల్లా వైద్యాధికారి రాజగోపాల్‌ వైద్యసిబ్బందిని ఆదేశించారు. వీణవంక మండల కేంద్రంతో పాటు చల్లూరు ప్రాథమిక ఆరోగ్య కేంద్రాలను మంగళవారం జిల్లా వైద్యాధికారి ఆకస్మికంగా తనిఖీ చేశారు.

Challur | వీణవంక, ఆగస్టు 11 : ప్రభుత్వాస్పత్రిలో మెరుగైన సేవలందించాలని కరీంనగర్‌ జిల్లా వైద్యాధికారి రాజగోపాల్‌ వైద్యసిబ్బందిని ఆదేశించారు. వీణవంక మండల కేంద్రంతో పాటు చల్లూరు ప్రాథమిక ఆరోగ్య కేంద్రాలను మంగళవారం జిల్లా వైద్యాధికారి ఆకస్మికంగా తనిఖీ చేశారు. ఈ సందర్భంగా దవాఖానల రిజిస్టర్లు, ఏఎన్సీ రిజిస్ట్రేషన్లు, ఫార్మసీ, పారిశుధ్యం, ల్యాబ్, ఆరేషన్ థియేటర్లను పరిశీలించి, రోగులతో మాట్లాడారు.

ఈ సందర్భంగా జిల్లా వైద్యాధికారి రాజగోపాల్ మాట్లాడుతూ చల్లూరు ఆసుపత్రిలో ప్రభుత్వ ప్రసవాల సంఖ్య పెంచాలని ఆదేశించారు. ప్రభుత్వ ఆసుపత్రులకు వచ్చే రోగులపట్ల ప్రేమతో ప్రవర్తించాలని, మెరుగైన వైద్యం అందించాలని సూచించారు. ఈ కార్యక్రమంలో వీణవంక, చల్లూరు వైద్యాధికారులు వరుణ, సంతోష్, సూపర్‌వైజర్లు, ఏఎన్‌ఎంలు, వైద్య సిబ్బంది పాల్గొన్నారు.