Godavarikhani | కుట్టు మిషన్ల పంపిణీలో అవకతవకలపై విచారణ జరపాలి.. 51వ డివిజన్ మహిళా కార్పొరేటర్ ఆకారపు రేఖ మహేష్
రామగుండం నగర పాలక సంస్థ పరిధిలో మైనార్టీలకు కుట్టు మిషన్ల పంపిణీలో పారదర్శకత కొరవడిందని 51వ డివిజన్ కార్పొరేటర్ ఆకారపు రేఖ మహేష్ ఆరోపించారు. గోదావరిఖనిలో ఆమె గురువారం విలేకరులతో మాట్లాడారు.
Godavarikhani | కోల్ సిటీ, అక్టోబర్ 29 : రామగుండం నగర పాలక సంస్థ పరిధిలో మైనార్టీలకు కుట్టు మిషన్ల పంపిణీలో పారదర్శకత కొరవడిందని 51వ డివిజన్ కార్పొరేటర్ ఆకారపు రేఖ మహేష్ ఆరోపించారు. గోదావరిఖనిలో ఆమె గురువారం విలేకరులతో మాట్లాడారు. తమ డివిజన్లో కుట్టు మిషన్ల లబ్ధిదారుల జాబితాను అడిగితే నగర పాలక అధికారులు ఎప్పటిలాగే నిర్లక్ష్యపు సమాధానం చెబుతున్నారని పేర్కొన్నారు. తమ డివిజన్లోని అర్హులైన మైనార్టీలు కుట్టు మిషన్లు రాలేదని తన దృష్టికి తీసుకరావడంతో ఈ విషయమై నగర పాలక అధికారులను సంప్రదించే ప్రయత్నం చేస్తే అందుబాటులోకి రావడం లేదన్నారు. డివిజన్ ప్రజాప్రతినిధికి లబ్దిదారుల జాబితా అందించకపోవడం వెనుక మతలబు ఏమిటో అర్ధం కావడం లేదన్నారు. అధికార పార్టీ నాయకులు సూచించిన వారికే కుట్టు మిషన్లు, ఇందిరమ్మ ఇళ్లు మంజూరు చేస్తారా..? అని అధికారులను ప్రశ్నించారు.
మొదటి నుంచి మహిళా ప్రజాప్రతినిధిగా తన పట్ల మున్సిపల్ అధికారులు అగౌరవంగా ప్రవర్తిస్తున్నారని ఆరోపించారు. కనీసం ప్రొటోకాల్ పాటించడం లేదని ఆవేదన వ్యక్తం చేశారు. తమ డివిజన్ లోని కొందరు మైనార్టీ మహిళలకు కుట్టు మిషన్లు ఇప్పిస్తామని ప్రలోభాలకు గురి చేసి ఒక్కొక్కరి వద్ద నుంచి రూ.1000 చొప్పున మధ్య దళారులు వసూలు చేసినట్లు ఆరోపణలు వస్తున్నాయనీ, ఈ విషయంపై నగర పాలక కమిషనర్ నిష్పక్షపాతంగా విచారణ జరిపించి జాబితాలో అనర్హులను తొలగించి అర్హులైన మహిళలకు కుట్టు మిషన్లు అందేలా తగు చర్యలు తీసుకోవాలని కోరారు. అంతేగాక డబ్బులు వసూలు చేసినట్లు నిర్ధారణ జరిగితే బాధ్యులపై చట్ట ప్రకారం చర్యలు చేపట్టాలని డిమాండ్ చేశారు. పారదర్శకత కోసం వెంటనే లబ్ధిదారుల జాబితాను ప్రకటించాలని కోరారు.
Read Today's Latest Karimnagar News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ

