రామగుండం అభివృద్ధి పథం

పారిశ్రామిక ప్రాంతమైన రామగుండం స్వరాష్ట్రంలో అభివృద్ధిలో దూసుకుపోతున్నది. బీఆర్‌ఎస్‌ ప్రభుత్వ ప్రత్యేక దృష్టితో రూ.వందల కోట్ల నిధులు వెల్లువలా మంజూరవుతుండడంతో అనేక రంగాల్లో మార్పు స్పష్టంగా కనిపిస్తున్నది.

• పారిశ్రామిక నగరిలో విప్లవాత్మక మార్పులు
• స్వరాష్ట్రంలో వైద్య కళాశాల ఏర్పాటు
• నగరాభివృద్ధికి నిధులు వెల్లువ
• సింగరేణి కార్మికులకు అనేక వరాలు
• స్పష్టంగా కనిపిస్తున్న బీఆర్‌ఎస్‌ సర్కారు కృషి

ఒక వైపు అభివృద్ధి.. మరోవైపు సింగరేణి కార్మికుల సంక్షేమం.. ఈ రెండింటినీ తెలంగాణ ప్రభుత్వం సమాన దృష్టితో చూస్తూ పారిశ్రామిక నగరమైన రామగుండంలో విప్లవాత్మక మార్పులు తీసుకువచ్చింది. రూ.వందల కోట్ల నిధులతో ప్రగతిని పరుగులు పెట్టించింది. కార్మికుల కోసం అనేక వరాలు ప్రకటించి, అమలు చేసింది. రూ.500 కోట్లతో వైద్య కళాశాలను ఏర్పాటు చేసి విద్యార్థుల వైద్య విద్య కలను సాకారం చేసింది. కొత్త జిల్లాల ఏర్పాటు చేసిన క్రమంలో రామగుండం ప్రాంతానికి ఉన్న ప్రత్యేక పరిస్థితుల నేపథ్యంలో పోలీస్‌ కమిషనరేట్‌ను ఏర్పాటు చేసి, అధునాతన వసతులతో భవనాన్ని నిర్మించింది. నగరంలోని ప్రధాన రహదారులు, ఇతర రోడ్లను అభివృద్ధి చేసి, కూడళ్లను ఆకర్షణీయంగా తీర్చిదిద్దింది.

– పెద్దపల్లి, సెప్టెంబర్‌ 30(నమస్తే తెలంగాణ)

పారిశ్రామిక ప్రాంతమైన రామగుండం స్వరాష్ట్రంలో అభివృద్ధిలో దూసుకుపోతున్నది. బీఆర్‌ఎస్‌ ప్రభుత్వ ప్రత్యేక దృష్టితో రూ.వందల కోట్ల నిధులు వెల్లువలా మంజూరవుతుండడంతో అనేక రంగాల్లో మార్పు స్పష్టంగా కనిపిస్తున్నది. సింగరేణి బొగ్గు పరిశ్రమతో పాటు దక్షిణ భారతదేశానికి వెలుగులు అందించే రామగుండం ఎన్టీపీసీ, రామగుండం ఫర్టిలైజర్స్‌ అండ్‌ కెమికల్స్‌ లిమిటెడ్‌(ఆర్‌ఎఫ్‌సీఎల్‌) సంస్థలు ఒకవైపు.. సింగరేణి మెడికల్‌ కళాశాలతో వైద్య రంగంలో కొత్త పుంతలు తొక్కుతున్నది. సీఎం కేసీఆర్‌, మంత్రి కేటీఆర్‌ ఈ ప్రాంతానికి అనేక విధాలుగా తోడ్పాటునందిస్తూ అభివృద్ధిని పరుగులు పెట్టిస్తున్నారు. తెలంగాణ రాష్ట్రం ఏర్పడిన తర్వాత కొత్త జిల్లాల ఏర్పాటు చేసిన క్రమంలో రామగుండంను జిల్లా చేయకున్నా ఈ ప్రాంతానికి ఉన్న ప్రత్యేక పరిస్థితులను దృష్టిలో ఉంచుకొని పోలీస్‌ కమిషనరేట్‌ను ఏర్పాటు చేశారు. ఇంకా అనేక అభివృద్ధి పనులను చేపట్టారు.

• ‘సింగరేణి’ సంస్థ సహకారంతో గోదావరిఖనిలో రూ.500 కోట్లతో మెడికల్‌ కాలేజీ ఏర్పాటైంది.
• అంతర్గాం వద్ద గోదావరినదిపై రూ.125 కోట్లతో బ్రిడ్జి నిర్మాణం ప్రారంభమైంది.
• అంతర్గాం వద్ద ఇండస్ట్రియల్‌ పార్కు, రామగుండం కార్పొరేషన్‌ వద్ద ఐటీ టవర్‌ నిర్మించనున్నారు.
• అనేక సంవత్సరాలుగా పెండింగ్‌లో ఉన్న రాజీవ్‌ రహదారి కుందనపల్లి రైల్వే బ్రిడ్జి నిర్మాణానికి రూ.10 కోట్లు మంజూరు చేయగా పనులు సాగుతున్నాయి.
• రూ.350 కోట్ల నిధులతో నియోజకవర్గంలోని అన్ని ప్రాంతాల్లో అభివృద్ధి పనులు చేపట్టారు.
• రామగుండం నియోజకవర్గంలో రూరల్‌ ప్రాంతానికి రూ.28 కోట్ల 50 లక్షలతో 570 డబుల్‌ బెడ్రూం ఇండ్లు, అర్బన్‌ ప్రాంతానికి రూ.41 కోట్ల 50 లక్షలతో మల్కాపూర్‌లో 670 డబుల్‌ బెడ్‌ రూం ఇండ్లు, 5ఇంక్లయిన్‌ వద్ద 160 డబుల్‌ బెడ్‌రూం ఇండ్లు నిర్మాణ దశలో ఉన్నాయి.
• రూ.10 కోట్ల సింగరేణి నిధుల ద్వారా మున్సిపల్‌ కార్పొరేషన్‌ కార్యాలయం టీ జంక్షన్‌ నుంచి ఫైవింక్లయిన్‌ చౌరస్తా వరకు ప్రధాన రహదారి విస్తరణ పనులు పూర్తయ్యాయి.
• రాజీవ్‌ రహదారిపై ప్రమాదాల నివారణ కోసం డీఎంఎఫ్‌టీ నిధులతో ఇరువైపులా రూ.3.5 కోట్లతో సర్వీసు రోడ్ల నిర్మాణం, రూ.2.9 4కోట్లతో డివిజన్‌లోసీసీ రోడ్డు, అండర్‌గ్రౌండ్‌ డ్రైనేజీల నిర్మాణం.
• దశాబ్దాల సమస్య పరిష్కారం కోసం సింగరేణి స్థలాల క్రమబద్ధీకరణ జీవో 76 అమలువిద్య, ఆరోగ్యం, శానిటేషన్‌, రోడ్డు నిర్మాణం కోసం ఎన్టీపీసీ సీఎస్‌ఆర్‌ నిధుల నుంచి 2021-22లో రూ.4 కోట్లు, 2022-23లో రూ.5.5 కోట్ల వ్యయం.
• సింగరేణి సీఎస్‌ఆర్‌ నిధుల ద్వారా అండర్‌గ్రౌండ్‌ డ్రైనేజీ, సీసీ రోడ్ల నిర్మాణానికి రూ.2.3 కోట్లతో పనులు.
• మహిళా పారిశ్రామికవేత్తలను ప్రోత్సహించడానికి వీ హబ్‌ ద్వారా 64 మందికి బ్యాంకుల ద్వారా రూ.4 కోట్ల రుణాలు మంజూరు చేయగా, ప్రభుత్వం ప్రవేశపెట్టిన ఈ పథకం మొట్టమొదటగా రామగుండంలోనే అమలైంది.
• రూ.3.5 కోట్ల పట్టణ ప్రగతి నిధులతో రామగుండం కార్పొరేషన్‌ పరిధిలోని ప్రధాన కూడళ్ల సుందరీకరణ పనులు పూర్తిరూ.40 లక్షల కార్పొరేషన్‌ నిధులతో ఎల్‌బీనగర్‌ నుంచి రమేశ్‌నగర్‌ వరకు ప్రధాన రోడ్డు పనులు పూర్తి.
• యైటింక్లయిన్‌కాలనీ ప్రజల ఇబ్బందులు తీర్చడానికి పోతనకాలనీ వద్ద బ్రిడ్జి నిర్మాణం.

సింగరేణి కార్మికులకు అనేక వరాలు

తెలంగాణ ప్రభుత్వం అధికారంలోకి వచ్చిన తర్వాత సింగరేణి కార్మికులకు అనేక వరాలనిచ్చి ఆదుకున్నది. నేలతల్లి ఒడిలో ప్రాణాలను పణంగా పెట్టి కష్టపడే కార్మికన్నను కడుపులో పెట్టుకుంటున్నది. 2014 ఎన్నికల్లో ఇచ్చిన హామీలను నెరవేర్చడంలో సీఎం కేసీఆర్‌, పార్టీ వర్కింగ్‌ ప్రెసిడెంట్‌ కేటీఆర్‌ పెద్దన్నపాత్రను పోషించి సమస్యల పరిష్కారానికి చొరవ చూపారు.

• దశాబ్దాల కాలంగా పెండింగ్‌లో ఉన్న కారుణ్య నియామకాలను ఒకే ఒక్క సంతకంతో సింగరేణి చరిత్రలో కనీ వినీ ఎరుగని రీతిలో 3200ల మందికి ఒకేసారి ఉద్యోగాలు ఇచ్చారు.
• ఇప్పటి వరకు సింగరేణిలో 13 వేల కారుణ్య నియామకాలు చేపట్టారు.
• ఉద్యోగం వద్దనుకుంటే రూ.25 లక్షల బెనిఫిట్‌ స్కీంను అమలు చేస్తున్నారు.
• తల్లిదండ్రులకు సూపర్‌ స్పెషాలిటీ వైద్యాన్ని సైతం అందిస్తున్నారు.
• మహిళా కార్మికులకు మెటర్నిటీ లీవ్‌ను 3 నెలల నుంచి 6 నెలలకు పెంచారు. 2 సంవత్సరాల పాటు చైల్డ్‌ కేర్‌ లీవ్‌ను అమలు చేస్తున్నారు.
• కార్మికుల పిల్లలు ఐఐటీ, ఐఐఎం చదివితే పిల్లల ట్యూషన్‌ ఫీజును ఫీజు రీయింబర్స్‌మెంట్‌ ద్వారా తిరిగి చెల్లిస్తున్నారు.
• సింగరేణి కార్మికులు తమ క్వార్టర్లలో ఏసీని వినియోగిస్తే కరెంటు చార్జీలను పూర్తిగా లేకుండా చేశారు.
• వేతనంతో కూడిన రెండు హాలీడేలను అమలు చేస్తున్నారు.
• కార్మికుడు రూ.10 లక్షల వరకు ఇంటి రుణం తీసుకుంటే దానికి కార్మికుడు కట్టే వడ్డీని సింగరేణి సంస్థ తిరిగి చెల్లించేలా చర్యలు చేపట్టారు.
• 2014 వరకు ఉన్న లాభాల వాటా 18 శాతాన్ని 2023 వరకు 32 శాతానికి పెంచారు.
• సకల జనుల సమ్మె కాలానికి తెలంగాణ ఇంక్రిమెంట్‌గా వేతనాలను చెల్లించారు.
• వృత్తి పన్నును శాశ్వతంగా రద్దు చేస్తూ అసెంబ్లీలో తీర్మానం చేశారు.
• జాతీయ సంఘాల ఒప్పందం ప్రకారం బేసిక్‌ పేపై 1 శాతం రికవరీ ఉండేదాన్ని ముఖ్యమంత్రి కేసీఆర్‌ సింగరేణి కార్మికులకు రద్దు చేశారు. దీంతో సగటున కార్మికుడికి రూ.1000 వరకు ఆదా అవుతున్నాయి.
• మైన్‌ యాక్సిడెంట్‌ ప్రమాద మృతులకు రూ 20 లక్షల బీమా, డ్యూటీలో కార్మికుడు ఏ కారణం చేతైనా మరణిస్తే రూ.15 లక్షల మ్యాచింగ్‌ గ్రాంట్‌ను తీసుకువచ్చారు.
• మహిళా కార్మికులకు, కార్మికుల కూతుళ్లకు కూడా ఉద్యోగ అవకాశాలు కల్పిస్తున్నారు.
• పెళ్లి కాని వారికి, పెళ్లి అయి భర్తతో ఉన్నవారికి, భర్త చనిపోయినా, విడాకులు తీసుకున్న వారికి, విడాకులు పొందకుండా ఒంటరిగా ఉన్న వారికి, అంగవైకల్యం ఉన్న వారికి కూడా ఉద్యోగాలను ఇస్తున్నారు.
• డిస్మిస్డ్‌ కార్మికులకు మూడు సార్లు అవకాశం ఇస్తున్నారు.
• రిటైర్మెంట్‌ వయస్సును 60 నుంచి 61 ఏళ్లకు పెంచారు.