Sri Lanka | నిధుల కొరతతో శ్రీలంకలో లోకల్ బాడీ ఎన్నికలు నిరవధిక వాయిదా!
Sri Lanka | నిధుల కొరత వల్ల స్థానిక సంస్థల ఎన్నికలు నిరవధికంగా వాయిదా వేస్తున్నట్లు ఆ దేశ ఎన్నికల సంఘం డైరెక్టర్ జనరల్ సమన్శ్రీ రత్నాయకే తెలిపారు.
Sri Lanka | పొరుగు దేశం శ్రీలంకలో ఆర్థిక సంక్షోభం ఇంకా కొనసాగుతున్నది. నిధుల కొరత కారణంగా ఈ నెల 25న నిర్వహించాల్సిన స్థానిక సంస్థల ఎన్నికలు నిరవధికంగా వాయిదా వేస్తున్నట్లు శ్రీలంక ఎన్నికల సంఘం మంగళవారం ప్రకటించింది. ప్రధాని దినేష్ గుణవర్దేణ, ప్రధాన రాజకీయ పార్టీల ప్రతినిధులతో సంప్రదింపులు జరిపిన మరునాడే ఎన్నికల సంఘం ఈ ప్రకటన చేయడం ప్రాధాన్యం ఏర్పడింది. ఎన్నికల నిర్వహణకు అవసరమైన నిధులు విడుదల చేసినట్లు ఆర్థికశాఖ అధికారులు ధృవీకరించిన తర్వాతే ఎన్నికల నిర్వహణ తేదీలు ప్రకటిస్తామని శ్రీలంక ఎన్నికల సంఘం డైరెక్టర్ జనరల్ సమన్శ్రీ రత్నాయకే తెలిపారు.
ముందుగా నిర్ణయించిన షెడ్యూల్ ప్రకారం గత నెల తొమ్మిదో తేదీన స్థానిక సంస్థల ఎన్నికలు జరుగాల్సి ఉంది. కానీ, నిధుల కొరత వల్ల ఈ నెల 25కు వాయిదా పడ్డాయి. గత ఫిబ్రవరి 21-24 మధ్య బ్యాలెట్ పత్రాలను ముద్రించడానికి శ్రీలంక ప్రభుత్వ ముద్రణా సంస్థ అధికారి గంగానీ లియనాగే అశక్తత వ్యక్తం చేశారు. ఎన్నికల నిర్వహణకు 500 మిలియన్ రూపాయలు ఖర్చవుతుండగా, కేవలం రూ.40 మిలియన్లు మాత్రమే వచ్చాయని గంగానీ లియానాగే తెలిపారు.
శ్రీలంకలో 340 లోకల్ కౌన్సిళ్లకు కొత్త పాలక మండలి ఏర్పాటు కోసం ఎన్నికలు జరుగాల్సి ఉంది. వీరి పదవీ కాలం నాలుగేండ్లు ఉంటుంది. గడువు ప్రకారం గతేడాది మార్చిలో జరుగాల్సి ఉంది. కానీ, ఆర్థిక సంక్షోభం వల్ల గతేడాది నుంచి స్థానిక సంస్థల ఎన్నికల నిర్వహణ వాయిదా పడుతూ వస్తున్నది. పూర్తిగా అప్పుల ఊబిలో చిక్కుకున్న శ్రీలంకను ఆదుకునేందుకు అంతర్జాతీయ ద్రవ్యనిధి సంస్థ (ఐఎంఎఫ్) 300కోట్ల డాలర్ల బెయిలౌట్ ప్యాకేజీకి ఆమోదం తెలిపింది.
Read Today's Latest International News in Telugu and Telugu News
RELATED ARTICLES
తాజా వార్తలు
పెళ్లయిన తెల్లారే కొత్త పెళ్లికూతురికి ప్రసవం.. షాక్లో పెళ్లికొడుకు
S.S Karthikeya | కార్తికేయకు సూపర్ స్టార్ మహేశ్ బాబు స్పెషల్ బర్త్డే విషెస్.. ఫొటో వైరల్!
Vijay Antony | ‘నాన్నకుట్టి’ సినిమా ప్రమోషన్స్ కోసం జనరల్ బోగీలో ప్రయాణించిన విజయ్ ఆంటోనీ.. నెట్టింట వైరల్!
ENE Repeat | రెండు రోజుల్లోనే రూ.23 కోట్లకు పైగా వసూళ్లు.. నార్త్ అమెరికాలోనూ మిలియన్ డాలర్ క్లబ్లోకి ‘ENE రిపీట్’!
Dal Lake ride | పర్యాటకుల సందడి.. దాల్ సరస్సులో శిఖారా రైడ్ చూశారా..?
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

