Joe Biden | హమాస్‌ పేరు గుర్తురాక బైడెన్‌ ఆపసోపాలు.. చివరికి ప్రతిపక్షం అంటూ వార్తల్లోకెక్కిన అధ్యక్షుడు

Joe Biden | అమెరికా అధ్యక్షుడు (US President ) జో బైడెన్ (Joe Biden) మరోసారి టంగ్‌ స్లిప్‌ అయ్యి వార్తల్లోకెక్కారు. సమయానికి పాలస్తీనా ఉగ్రవాద సంస్థ హమాస్‌ పేరు గుర్తురాక దాన్ని ‘ప్రతిపక్షం’గా పేర్కొన్నారు. ఇందుకు సంబంధించిన వీడియో ప్రస్తుతం వైరల్‌ అవుతోంది.

Joe Biden | అమెరికా అధ్యక్షుడు (US President ) జో బైడెన్ (Joe Biden) మతిమరుపు, తడబాట్ల కారణంగా నిత్యం వార్తల్లో నిలుస్తూ నెట్టింట విమర్శల పాలవుతున్నారు. ఏదో ఒక పొరపాటు చేస్తూ మీడియాకు చిక్కుతున్నారు. తాజాగా మరోసారి ఆయన టంగ్‌ స్లిప్‌ అయ్యి వార్తల్లోకెక్కారు. సమయానికి పాలస్తీనా ఉగ్రవాద సంస్థ హమాస్‌ పేరు గుర్తురాక దాన్ని ‘ప్రతిపక్షం’గా పేర్కొన్నారు. ఇందుకు సంబంధించిన వీడియో ప్రస్తుతం వైరల్‌ అవుతోంది.

ఉక్రెయిన్, ఇజ్రాయెల్‌కు నిధులు అందించే ద్వైపాక్షిక ఇమ్మిగ్రేషన్, సరిహద్దు ఒప్పందానికి మద్దతు ఇవ్వాలని రిపబ్లికన్లను కోరుతూ మంగళవారం బైడెన్ ప్రసంగించారు. ఆ సమయంలో ఇజ్రాయెల్-హమాస్ మధ్య బందీల విడుదల చర్చల పురోగతి గురించి అధ్యక్షుడిని మీడియా ప్రశ్నించింది. మీడియా ప్రశ్నకు బైడెన్‌ స్పందిస్తూ.. హమాస్‌ (Hamas) పేరు గుర్తురాక ఆపసోపాలు పడ్డారు. చివరికి తరబడుతూ ‘ప్రతిపక్షం’గా పేర్కొన్నారు. ‘ప్రతిపక్షం నుంచి ప్రతిస్పందన వచ్చింది’ అంటూ చెప్పుకొచ్చారు. ‘కొంత కదలిక ఉంది‘ అని తడబడుతూ ఆగిపోయిన బైడెన్‌.. ‘నన్ను పదాలు వెతుక్కోనివ్వండి. ప్రతిస్పందన ఉంది. ‘ప్రతిపక్షం’ నుంచి ప్రతిస్పందన వచ్చింది, కానీ..’ అంటూ చెప్పుకొచ్చారు. చివరికి ఒక రిపోర్టర్ ‘హమాస్’ అని చెప్పగానే అవును, నన్ను క్షమించండి అని బైడెన్‌ అన్నారు. ఇందుకు సంబంధించిన వీడియో ప్రస్తుతం వైరల్‌ అవుతోంది.

Another classic @JoeBiden moment…..

Joe Biden: “Uhhhh I don’t know.”

Also Joe Biden: “There’s been a response from a uhh…… There’s been a response from Hamas.”

If I was @realDonaldTrump right now I would be smirking and laughing at this 81 year old drooling zombie. 😆😆 pic.twitter.com/06f35Jn5AR

— Shayne (@MAGAPROUD25) February 8, 2024

కాగా, బైడెన్ ఇలా నోరు జారడం ఇదేమీ మొదటిసారి కాదు. కెమెరా సాక్షిగా ఎన్నో సార్లు తప్పిదాలు చేసి విమర్శల పాలయ్యారు. బైడెన్ గతంలోనూ పలుమార్లు ఇలా టంగ్‌ స్లిప్‌ అయ్యి పతాకశీర్షికలోకి ఎక్కిన సందర్భాలు అనేకం. ఓసారి ఉపాధ్యక్షురాలు కమలా హారిస్‌ను ఫస్ట్‌ లేడీ అంటూ సంభోదించారు. సాధారణంగా అమెరికా అధ్యక్షుడి భార్యను ఫస్ట్ లేడీగా వ్యవహరిస్తారన్న విషయం తెలిసిందే. అయితే, ఉపాధ్యక్షురాలిని అలా సంబోధించడం అప్పట్లో తీవ్ర చర్చనీయాంశమైంది. అదేవిధంగా గతంలో ఓసారి ఉక్రెయిన్ అధ్యక్షుడు (Ukraine President) వొలొదిమిర్ జెలెన్ స్కీ (Volodymyr Zelenskyy) పేరును పలకబోయి.. రష్యా అధ్యక్షుడు వ్లాదిమిర్ (Vladimir) అని సంభోదించబోయారు. ఇక మరో సందర్భంలో ఉక్రెయిన్ ప్రజలు అనబోయి.. ఇరాన్ ప్రజలు అని మాట్లాడారు. ఆ తర్వాత ‘పుతిన్ ఉక్రెయిన్ పై యుద్ధంలో ఓడిపోయారు’ అనబోయి ‘పుతిన్ ఇరాక్ యుద్ధంలో ఒడిపోయారు’ అంటూ సంభోదించారు. అలా పలు సందర్భాల్లో తన మతిమరుపు కారణంగా టంగ్ స్లిప్ అయ్యి విమర్శల పాలయ్యారు.

Also Read..

Nikki Haley | అమెరికాను భారత్‌ బలహీనంగా చూస్తోంది.. నిక్కీ హేలీ సంచలన వ్యాఖ్యలు

Poonam Pandey | సర్వైకల్‌ క్యాన్సర్‌కు ప్రచారకర్తగా పూనమ్‌ పాండే..? క్లారిటీ ఇచ్చిన కేంద్రం

Parliament | పార్లమెంట్‌ వేదికగా వైట్‌ పేపర్‌ Vs బ్లాక్‌ పేపర్‌.. అసలేంటీ వార్‌..?