Nikki Haley | అమెరికాను భారత్‌ బలహీనంగా చూస్తోంది.. నిక్కీ హేలీ సంచలన వ్యాఖ్యలు

Nikki Haley | రిపబ్లికన్‌ పార్టీ తరఫున అమెరికా (America) అధ్యక్ష అభ్యర్థిత్వానికి పోటీ పడుతున్న భారత సంతతి మహిళ నిక్కీ హేలీ (Nikki Haley).. భారత్‌ (India)పై సంచలన వ్యాఖ్యలు చేశారు. అమెరికాతో భాగస్వామిగా ఉండాలని భారత్ కోరుకుంటోందని చెప్పారు.

Nikki Haley | రిపబ్లికన్‌ పార్టీ తరఫున అమెరికా (America) అధ్యక్ష అభ్యర్థిత్వానికి పోటీ పడుతున్న భారత సంతతి మహిళ నిక్కీ హేలీ (Nikki Haley).. భారత్‌ (India)పై సంచలన వ్యాఖ్యలు చేశారు. అమెరికాతో భాగస్వామిగా ఉండాలని భారత్ కోరుకుంటోందని చెప్పారు. అయితే ప్రస్తుతానికి అమెరికా నాయకత్వంపై భారత్‌కు నమ్మకం లేదని వ్యాఖ్యానించారు. ప్రస్తుతం ప్రపంచవ్యాప్తంగా నెలకొన్న పరిస్థితుల నేపథ్యంలో భారత్‌ చాలా తెలివిగా ఆలోచిస్తోందన్నారు. అందుకే రష్యాతో చాలా సన్నిహితంగా మెలుగుతూ వస్తోందన్నారు. అదే సమయంలో అమెరికాను బలహీనంగా చూస్తోందని వ్యాఖ్యానించారు (United States as weak).

బుధవారం ఓ న్యూస్‌ ఛానెల్‌కు ఇచ్చిన ఇంటర్వ్యూలో ఆమె మాట్లాడుతూ.. ‘అగ్రరాజ్యం తరఫున భారత వ్యవహారాలను చూశాను. ప్రధాన మంత్రి నరేంద్ర మోదీతో మాట్లాడాను. భారతదేశం మాతో (అమెరికా) భాగస్వామిగా ఉండాలని కోరుకుంటోంది. మేము రష్యాతో భాగస్వామిగా ఉండాలనుకోవట్లేదు. సమస్య ఏంటంటే.. భారత్‌కు మనం గెలుస్తామన్న నమ్మకం లేదు. మనం చాలా బలహీనంగా ఉన్నామనుకుంటోంది. భారత్‌ చాలా స్మార్ట్‌గా వ్యవహరిస్తోంది. అందుకే వారికి భారీ ఎత్తున సైనిక ఆయుధాలను అందించే రష్యాతో సన్నిహితంగా మెలుగుతూ వస్తోంది’ అని నిక్కీ హేలీ అన్నారు.

అగ్రరాజ్యం అమెరికా ప్రస్తుతం మధ్యప్రాచ్య దేశాలపైనే అధికంగా దృష్టి సారిస్తోందని నిక్కీ హేలీ తెలిపారు. అలా కాకుండా ఇతర భాగస్వాములతోనూ సత్సంబంధాలను నిర్మించుకోవాల్సిన అవసరం ఉందని ఆమె అభిప్రాయపడ్డారు. అప్పుడే అమెరికాతో మిత్రదేశాలైన భారత్‌, ఆస్ట్రేలియా, ఇజ్రాయెల్‌, జపాన్‌, దక్షిణకొరియా, న్యూజిలాండ్‌ కలిసి వస్తాయని పేర్కొన్నారు.

Also Read..

Hookah | కర్ణాటకలో హుక్కా తాగడంపై నిషేధం.. తక్షణమే అమల్లోకి

Pakistan | పాక్‌లో కొనసాగుతున్న ఎన్నికల పోలింగ్‌.. మొబైల్‌ సేవలపై ఆంక్షలు

Hyderabad | పెండ్లి పేరుతో మోసం చేసిన మహిళా నిర్మాత.. పోలీస్‌ స్టేషన్‌ మెట్లు ఎక్కిన బాధితుడు