ఢిల్లీ : పెండ్లి అంటే ఓ అట్టహాసం, ఆర్భాటం ఉండాలనే రోజులు పోయి గ్రాండ్నెస్తో పాటు ఎంత వెరైటీగా, వినూత్నంగా జరిపారనేది హాట్ టాపిక్లా మారింది. తాజాగా ఓ వివాహ వేడుకలో తండ్రితో కలిసి పెండ్లి కూతురు ఎంట్రీ ఇచ్చిన తీరుపై మిశ్రమ స్పందన లభిస్తోంది. ఈ ఘటనకు సంబంధించిన వీడియో ప్రస్తుతం సోషల్ మీడియాలో వైరల్గా మారింది.
Please don't let this become a thing pic.twitter.com/rWRGsyENFp
— Fasi Zaka (@fasi_zaka) December 8, 2022
ఈ వీడియోలో సీలింగ్ నుంచి కదిలే ప్లాట్ఫాంపై టాప్ రూఫ్ నుంచి తండ్రితో కలిసి పెండ్లి కూతురు ప్రత్యక్షమవడంతో అందరూ విస్తుపోయారు. కొందరు పెండ్లి కూతురు పైనుంచి మంటపంపైకి వస్తుండగా తమ ఫోన్లలో వీడియోను రికార్డు చేశారు. అయితే గ్రాండ్ ఎంట్రీకి ప్లాన్ చేసిన వీరి ఐడియా బెడిసికొట్టింది.
వినూత్నంగా ఎంట్రీ ఇచ్చే తాపత్రయంతో వీరు రిస్క్ చేశారని, గాయాలకు గురయ్యే ముప్పును విస్మరించారని పలువురు యూజర్లు అసంతృప్తి వ్యక్తం చేశారు. పాకిస్తాన్కు చెందిన ఏరియల్ ఎంట్రీ వీడియోను ఫసి జక అనే యూజర్ ట్విట్టర్లో షేర్ చేశారు.