Hamas Tunnel: హాస్పిట‌ల్ కాంప్లెక్స్‌లో హ‌మాస్ ట‌న్నెల్‌.. వీడియో రిలీజ్ చేసిన ఐడీఎఫ్‌

Hamas Tunnel: షిఫా హాస్పిట‌ల్ కాంప్లెక్స్‌లో హ‌మాస్ ట‌న్నెల్ ఎంట్రెన్స్ ఉన్న వీడియోను ఇజ్రాయిల్ రిలీజ్ చేసింది. ఎక్స్ అకౌంట్‌లో ఆ వీడియోను, ఫోటోల‌ను రిలీజ్ చేశారు. గాజా సిటీలో ఉన్న షిఫా ఆస్ప‌త్రికి ఈ ట‌న్నెల్‌నే దారిగా హ‌మాస్ వాడుతున్న‌ట్లు ఐడీఎఫ్ పేర్కొన్న‌ది. ట‌న్నెల్‌కు స‌మీపంలో ఓ ఆయుధాల ట్ర‌క్కును కూడా గుర్తించారు.

గాజా: గాజాలోని షిఫా హాస్పిట‌ల్ కాంప్లెక్స్‌లో ఉన్న హ‌మాస్ ట‌న్నెల్(Hamas Tunnel) వీడియోను ఇజ్రాయిల్ ర‌క్ష‌ణ ద‌ళాలు రిలీజ్ చేశాయి. ట‌న్నెల్‌కు చెందిన ఎంట్రీ ఉన్న ప్రాంతాన్ని ఐడీఎఫ్ గుర్తించింది. ఎక్స్ అకౌంట్‌లో ఆ వీడియోను, ఫోటోల‌ను రిలీజ్ చేశారు. గాజా సిటీలో ఉన్న షిఫా ఆస్ప‌త్రికి ఈ ట‌న్నెల్‌నే దారిగా హ‌మాస్ వాడుతున్న‌ట్లు ఐడీఎఫ్ పేర్కొన్న‌ది. హాస్పిట‌ల్ కాంప్లెక్స్‌లో ఉన్న బిల్డింగ్‌ల మ‌ధ్య ఆ ట‌న్నెల్ ఎంట్రెన్స్ ఉన్న‌ట్లు ఐడీఎఫ్ గుర్తించింది. ట‌న్నెల్‌కు స‌మీపంలో ఉన్న ఓ ఆయుధాల ట్ర‌క్కును గుర్తించారు. అక్టోబ‌ర్ 7వ తేదీన జ‌రిగిన దాడిలో ఆ ఆయుధాలు వాడిన‌ట్లు భావిస్తున్నారు.

The IDF says it has uncovered a Hamas tunnel in the Shifa Hospital complex. It publishes a video showing the entrance. pic.twitter.com/sxPeIxFrwe

— Emanuel (Mannie) Fabian (@manniefabian) November 16, 2023

గాజాలో ఉన్న అల్ రంతిసి అనే మ‌రో ఆస్ప‌త్రి వ‌ద్ద ఉన్న ట‌న్నెల్‌ను కూడా ఐడీఎఫ్ ద‌ళాలు గుర్తించాయి. ఆ ఫోటోల‌ను కూడా రిలీజ్ చేశారు. అల్ కుద్స్ ఆస్ప‌త్రి నుంచి భారీ మొత్తంలో ఆయుధాలు, మందుగుండు సామాగ్రిని స్వాధీనం చేసుకున్నారు. ఆస్ప‌త్రులు, ఆస్ప‌త్రుల కింద ఉన్న ట‌న్నెల్స్ ద్వారా హ‌మాస్ ఆప‌రేట్ చేస్తున్న‌ట్లు ఇజ్రాయిల్ పేర్కొన్న‌ది. అమెరికా వ‌ద్ద ఈ ఆరోప‌ణ‌కు చెందిన ఆధారాలు కూడా ఉన్న‌ట్లు తెలిపింది.