Twitter | ఎలాన్‌ మస్క్‌ కొత్త ట్విస్ట్‌.. ఇకపై రోజుకు 600 ట్వీట్లు మాత్రమే చదవొచ్చంటూ పరిమితులు

ప్రముఖ సామాజిక మాధ్యమం ట్విట్టర్‌తో (Twitter) దాని అధినేత ఎలాన్‌ మస్క్‌ (Elon Musk) ప్రయోగాలు చేస్తున్నారు. రోజుకో రూల్‌ తీసుకొస్తూ వినియోగదారుల సహనాన్ని పరీక్షిస్తున్నారు. ఇప్పటివరకు బ్లూటిక్‌, సబ్‌స్క్రిప్షన్‌ అంటూ ఏవేవో నిబంధనలు పెట్టిన మస్క్‌.. కొత్తగా ట్వీట్లు చదవడంపై (Reading Limit) పరిమితులు విధించారు.

న్యూయార్క్‌: ప్రముఖ సామాజిక మాధ్యమం ట్విట్టర్‌తో (Twitter) దాని అధినేత ఎలాన్‌ మస్క్‌ (Elon Musk) ప్రయోగాలు చేస్తున్నారు. రోజుకో రూల్‌ తీసుకొస్తూ వినియోగదారుల సహనాన్ని పరీక్షిస్తున్నారు. ఇప్పటివరకు బ్లూటిక్‌, సబ్‌స్క్రిప్షన్‌ అంటూ ఏవేవో నిబంధనలు పెట్టిన మస్క్‌.. కొత్తగా ట్వీట్లు చదవడంపై (Reading Limit) పరిమితులు విధించారు. ట్విట్టర్‌ ఖాతాదారులు ఇకపై రోజుకు 6 వేల పోస్టులు మాత్రమే అవకాశం కల్పించనున్నారు. ఇది వెరిఫై చేయబడిన ఖాతాదారులకే (Verified accounts) వర్తిస్తుంది. ఇక ధృవీకరించబడని ఖాతా (Unverified account) నుంచి అయితే రోజుకు 600, కొత్త అకౌంట్లకు కేవలం 300 ట్వీట్లు చూసే విధంగా పరిమితి విధించారు.

అంతకుమించి ట్వీట్లు చూడాలంటే నెలకు రూ.900 చెల్లించి సబ్‌స్క్రిప్షన్‌ తీసుకోవాలి. అయితే దీనితోకూడా పెద్దగా ఉపయోగం ఏమీ ఉండదు. ఎందుకంటే రూ.9 వందలు చెల్లించినప్పటికీ రోజుకు 6 వేల ట్వీట్లకు మించి చూసే అవకాశం లేకపోవడం గమనార్హం. కాగా, ట్విట్టర్‌ నుంచి భారీ ఎత్తున డేటా చౌర్యం (Data scraping) జరుగుతున్నదని, సిస్టమ్‌ మ్యానిప్యులేషన్‌ (System manipulation) అవుతున్నదని.. వాటిని అరికట్టేందుకే ఈ చర్యలు తీసుకున్నామని ఎలాన్‌ మస్క్‌ సారు చెప్పుకొచ్చారు. ఈ మేరకు ఆయన ట్టిట్టర్‌ ద్వారా ప్రకటించారు.

To address extreme levels of data scraping & system manipulation, we’ve applied the following temporary limits:

– Verified accounts are limited to reading 6000 posts/day
– Unverified accounts to 600 posts/day
– New unverified accounts to 300/day

— Elon Musk (@elonmusk) July 1, 2023

ఇక్కడ ఇంకో విషయం కూడా తెలుసుకోవాలి.. ఇకపై మనం ఎవరి ట్వీట్‌ అయినా చూడాలంటే తప్పనిసరిగా ట్విట్టర్‌ ఖాతా లాగిన్‌ చేయాల్సిందే. రెండు రోజుల క్రితంవరకు మనకు ట్విట్టర్‌ ఖాతా లేకున్నా ఎవరైనా ట్వీట్‌ యూఆర్‌ఎల్‌ లింకు పంపిస్తే అది బ్రౌజర్‌లో ఓపెన్‌ చేసి, చూసేందుకు వీలుండేది. ఫలానా వ్యక్తి ట్వీట్‌ చూడాలంటే ట్విటర్‌ వెబ్‌పేజీకి వెళ్లి బ్రౌజ్‌ చేసి, సెర్చ్‌ చేసేందుకు కూడా అవకాశం ఉండేది. కానీ ఫ్రీగా ఎందుకు అనుకున్నారో ఏమో.. మస్క్‌ గారు.. రెండు రోజుల క్రితం ఈ సౌకర్యాన్ని హఠాత్తుగా నిలిపేశారు. దీంతో ట్విటర్‌ అకౌంట్‌ క్రియేట్‌ చేసుకోవడమో, అప్పటికే ఉన్న ఖాతా ద్వారా లాగిన్‌ చేయడమో తప్పడం లేదు. ఏం చేస్తాం.. మస్క్‌ గారి మస్తిష్కంలో ఇంకా ఎన్ని ఆలోచనలు ఉన్నాయో.. ట్విట్టర్‌ను అత్యున్నత స్థానాలకు తీసుకెళ్లడానికి!