Delta Variant : లండన్‌లో డెల్టా వేరియంట్ డేంజర్‌ బెల్స్‌‌..

Delta Variant : బ్రిటన్‌లో వందలాది మంది టీకాలు తీసుకున్న వ్యక్తుల్లో ప్రమాదకరమైన డెల్టా వేరియంట్‌ సోకినట్లు గుర్తించడంతో ప్రజలు భయాందోళనలకు గురవుతున్నారు. టీకాలు వేసిన వ్యక్తులకు కూడా డెల్టా వేరియంట్‌ ఇన్‌ఫెక్షన్‌ వ్యాప్తి చెందే సూచనలు ఉన్నాయని ఇంగ్లండ్‌ పబ్లిక్ హెల్త్ అధికారులు చెప్పారు.

August 7, 2021 / 08:06 PM IST

Delta Variant : లండన్‌లో డెల్టా వేరియంట్ డేంజర్‌ బెల్స్‌‌..

లండన్‌ : బ్రిటన్‌లో వందలాది మంది టీకాలు తీసుకున్న వ్యక్తుల్లో ప్రమాదకరమైన డెల్టా వేరియంట్‌ (Delta Variant) సోకినట్లు గుర్తించడంతో ప్రజలు భయాందోళనలకు గురవుతున్నారు. టీకాలు వేసిన వ్యక్తులకు కూడా డెల్టా వేరియంట్‌ ఇన్‌ఫెక్షన్‌ వ్యాప్తి చెందే సూచనలు ఉన్నాయని ఇంగ్లండ్‌ పబ్లిక్ హెల్త్ అధికారులు చెప్పారు. టీకా వేసుకున్న వ్యక్తుల్లో డెల్టా వేరియంట్లు.. వ్యాక్సిన్ వేయించుకోని వారిలాగే వేగంగా వ్యాప్తి చెందుతాయని సంస్థ హెచ్చరించింది. కొవిడ్‌ ఆంక్షలను సడలింపు ఇచ్చిన తర్వాత, డెల్టా వేరియంట్ కేసులు బ్రిటన్‌లోని వివిధ ప్రాంతాల్లో వేగంగా విస్తరిస్తున్నాయి.

జులై 19 నుంచి ఆగస్టు 2 వరకు డెల్టా ఇన్‌ఫెక్షన్‌తో దవాఖానలో చేరిన 1,467 మందిలో 55.1 శాతం మందికి టీకా అందలేదని, అలాగే, 512 మంది (34.9 శాతం) రెండు డోసుల టీకాను పొందారని పబ్లిక్ హెల్త్ ఇంగ్లండ్ తెలిపింది. జూలై 19 న ఇంగ్లండ్‌లో లాక్‌డౌన్ ఆంక్షలు సడలించారు. ఆస్ట్రాజెనెకా, మోడెర్నా, ఫైజర్-బయోటెక్‌ల టీకాలు ప్రస్తుతం బ్రిటన్‌లో ప్రజల కోసం ఉపయోగిస్తున్నారు. ఇప్పటివరకు, యూకేలో ఆడల్ట్‌ జనాభాలో 75 శాతం మంది రెండు మోతాదుల టీకాను పొందినట్లు అక్కడి గణాంకాలు చెప్తున్నాయి.