Plane Catches Fire | విమానం ఇంజిన్‌లో మంటలు.. తప్పిన పెను ప్రమాదం.. VIDEO

Plane Catches Fire | అమెరికాలోని ఓర్లాండో అంతర్జాతీయ విమానాశ్రయంలో (Orlando airport) పెను ప్రమాదం తప్పింది. డెల్టా ఎయిర్‌లైన్స్‌కు (Delta Air Lines flight) చెందిన విమానంలో అకస్మాత్తుగా మంటలు (Plane Catches Fire) చెలరేగాయి.

April 22, 2025 / 10:01 AM IST

Plane Catches Fire | విమానం ఇంజిన్‌లో మంటలు.. తప్పిన పెను ప్రమాదం.. VIDEO

Plane Catches Fire | అమెరికాలోని ఓర్లాండో అంతర్జాతీయ విమానాశ్రయంలో (Orlando airport) పెను ప్రమాదం తప్పింది. డెల్టా ఎయిర్‌లైన్స్‌కు (Delta Air Lines flight) చెందిన విమానంలో అకస్మాత్తుగా మంటలు (Plane Catches Fire) చెలరేగాయి. దీంతో అప్రమత్తమైన అధికారులు సకాలంలో స్పందించి విమానంలోని ప్రయాణికులను (passengers) అత్యవసర స్లైడ్‌ల సాయంతో బయటకు తరలించారు. ప్రమాద సమయంలో విమానంలో దాదాపు 294 మంది ఉన్నారు. వారంతా ప్రమాదం నుంచి సురక్షితంగా బయటపడ్డారు.

282 మంది ప్రయాణికులు, 10 మంది విమాన సిబ్బంది, ఇద్దరు పైలట్లతో డెల్టా ఎయిర్‌లైన్స్‌కు చెందిన ఫ్లైట్‌ 1213, సోమవారం ఉదయం 11:15 గంటల సమయంలో ఓర్లాండో ఎయిర్‌పోర్ట్‌ నుంచి హార్ట్స్‌ఫీల్డ్-జాక్సన్ అట్లాంటా అంతర్జాతీయ విమానాశ్రయానికి బయల్దేరింది. విమానం టేకాఫ్‌ కోసం రన్‌వేపై సిద్ధంగా ఉండగా.. విమానం ఇంజిన్‌ నుంచి ఒక్కసారిగా మంటలు చెలరేగాయి. దీంతో అప్రమత్తమైన అధికారులు ఎమర్జెన్సీ స్లైడ్స్‌ (emergency slides) నుంచి ప్రయాణికులను సురక్షితంగా బయటకు తరలించారు. ఈ ప్రమాదంలో ఎవరికీ ఎలాంటి గాయాలూ కాలేదు. ఇందుకు సంబంధించిన దృశ్యాలు ప్రస్తుతం వైరల్‌ అవుతున్నాయి. మరోవైపు ఘటనపై అధికారులు దర్యాప్తు చేపట్టారు.