చరిత్రలో ఈరోజు: దినపత్రికలో క్రాస్‌ వర్డ్‌ పజిల్‌ ముద్రణకు 108 ఏండ్లు

Today History: మనం నిత్యం దినపత్రికల్లో చూసే క్రాస్‌ వర్డ్‌ పజిల్‌ ముద్రించి సరిగ్గా ఇవాల్టికి 108 ఏండ్లు పూర్తయ్యాయి. 1913 లో తొలిసారిగా దినపత్రికల్లో క్రాస్‌ వర్డ్‌ పజిల్‌ను...

December 21, 2021 / 02:54 PM IST

చరిత్రలో ఈరోజు: దినపత్రికలో క్రాస్‌ వర్డ్‌ పజిల్‌ ముద్రణకు 108 ఏండ్లు

(Today History): మనం నిత్యం దినపత్రికల్లో చూసే క్రాస్‌ వర్డ్‌ పజిల్‌ ముద్రించి సరిగ్గా ఇవాల్టికి 108 ఏండ్లు పూర్తయ్యాయి. 1913 లో తొలిసారిగా దినపత్రికల్లో క్రాస్‌ వర్డ్‌ పజిల్‌ను ముద్రించగా.. ఇవ్వాల్టికీ దాని ప్రత్యేకత చెక్కుచెదరలేదు. ఇప్పటికీ చాలా పత్రికలు ఈ రకం పజిల్స్‌ ముద్రించి పాఠకులను ఆకట్టుకుంటున్నాయి. అయితే, ఇవి వారాంతాలకే పరిమితమయ్యాయి. ఆదివారం వచ్చిందంటే, పత్రికల్లో, ప్రత్యేక బుక్‌లో ముద్రించే పజిల్స్‌ను పూరించేందుకు ఎందరో ఆత్రంగా ఎదురుచూస్తుంటారంటే అతిశయోక్తి కాదేమో!

అమెరికాకు చెందిన దినపత్రిక ‘ది న్యూయార్క్‌ వరల్డ్‌’ తొలిసారి 1913 లో క్రాస్‌ వర్డ్‌ పజిల్‌ను ముద్రించి పాఠకులకు చేర్చింది. దీన్ని బ్రిటీష్ జర్నలిస్ట్ ఆర్థర్ వేన్ రూపొందించారు. దీనికన్నా ముందు దీని పేరు వర్డ్ క్రాస్. టైపింగ్‌లో పొరపాటు కారణంగా కొంత సమయం తర్వాత.. వర్డ్ క్రాస్‌కు బదులుగా క్రాస్‌ వర్డ్ అని వ్రాసారు. అప్పటి నుంచి ప్రపంచ వ్యాప్తంగా ఈ పేరుతోనే పిలుస్తున్నారు. మొదట్లో పజిల్ డైమండ్ ఆకారంలో ఉండేది. బ్లాక్ బాక్స్‌లు లేవు. 1923 నాటికి అమెరికాలోని దాదాపు అన్ని వార్తాపత్రికల్లో ఇటువంటి పజిల్స్ ప్రచురించారు.

1922-23 నాటికి ఈ క్రాస్‌ వర్డ్‌ పజిల్ బ్రిటన్‌కు కూడా చేరింది. బ్రిటీష్ పత్రికలు తమ స్వంత శైలిలో అభివృద్ధి చేశారు. అమెరికన్ పజిల్స్ కంటే చాలా కష్టంగా బ్రిటన్‌లో పజిల్స్‌ ఉండేవి. బ్రిటన్‌లోని ‘ది సండే టైమ్స్‌’లో ప్రచురితమైన పజిల్ అత్యుత్తమమైనదిగా చెప్తుంటారు. క్రమంగా ప్రపంచంలోని అన్ని దేశాలలో వివిధ రూపాల్లో పజిల్స్‌ కనిపించడం ప్రారంభమైంది.