Photoshoot : ఫోజుకు సిగ్గుప‌డి వ‌రుడిని కొల‌నులోకి తోసిన వ‌ధువు.. వైర‌ల్ వీడియో

Photoshoot : జిల‌క‌ర బెల్లం, తాళిబొట్టు, త‌లంబ్రాలు, మేళ‌తాళాలు, పందిళ్లు..! ఒక‌ప్పుడు పెండ్లి అంటే ఎక్కువ‌గా విన‌ప‌డే ప‌దాలు ఇవి..! కానీ రానురాను ట్రెండ్ మారిపోయింది.

August 26, 2021 / 02:00 PM IST

Photoshoot : ఫోజుకు సిగ్గుప‌డి వ‌రుడిని కొల‌నులోకి తోసిన వ‌ధువు.. వైర‌ల్ వీడియో

Photoshoot : జిల‌క‌ర బెల్లం, తాళిబొట్టు, త‌లంబ్రాలు, మేళ‌తాళాలు, పందిళ్లు..! ఒక‌ప్పుడు పెండ్లి అంటే ఎక్కువ‌గా విన‌ప‌డే ప‌దాలు ఇవి..! కానీ రానురాను ట్రెండ్ మారిపోయింది. దాంతో పెండ్లి కాక‌ముందే వ‌ధూవ‌రులు ఇద్ద‌రూ ఫొటోషూట్‌కు వెళ్ల‌డం అనే కొత్త సాంప్ర‌దాయం ఇప్పుడు త‌ప్ప‌నిస‌రి తంతుగా మారిపోయింది. ఇక ఈ ఫొటో షూట్‌ల కోసం ఎవ‌రి అభిరుచికి న‌చ్చిన లొకేష‌న్‌ల‌ను వారు ఎంచుకుంటున్నారు. కొంద‌రు కొల‌నుల్లో, మ‌రికొంద‌రు న‌దుల్లో, ఇంకొంద‌రు స‌ముద్ర తీరాల్లో ఫొటోషూట్‌ల‌కు వెళ్తున్నారు.

ఇక మ‌రికొంద‌రైతే అడ‌వుల‌ను, ఆకాశాన్ని కూడా వెడ్డింగ్ ఫొటోషూట్‌ల‌కు వాడుకుంటున్నారు. అయితే, ఈ ఫొటోషూట్‌ల‌ సంద‌ర్భంగా కాబోయే దంప‌తులు చేసే చిలిపిచేష్ట‌లు అన్నీఇన్నీ కావు. ఈ మ‌ధ్య అలాంటి ఫ‌న్నీ వీడియోలు చాలా సోష‌ల్ మీడియాలో వైర‌ల్‌గా మారుతున్నాయి. తాజాగా అలాంటిదే మ‌రో వీడియో నెట్టింట వైర‌ల్ అవుతున్న‌ది. ఆ వీడియోలో ఓ కొల‌ను మ‌ధ్య‌లో ఉన్న‌ వేదిక‌పై వెడ్డింగ్ ఫొటోషూట్ జ‌రుగుతున్న‌ది. ఈ ఫొటోషూట్‌లో ఫొటోగ్రాఫ‌ర్ వ‌ధూవ‌రుల‌ను వివిధ ఫోజుల‌లో ఫొటోలు తీస్తున్నాడు.

నెట్టింట వైర‌ల్ అవుతున్న వీడియో..

ఈ క్ర‌మంలోనే వ‌ధూవ‌రులిద్ద‌రూ ఒక‌రినొక‌రు అల్లుకుని నిల‌బ‌డాల్సిన రొమాంటిక్ ఫోజు గురించి ఫొటోగ్రాఫ‌ర్ వ‌రుడికి వివ‌రిస్తున్నాడు. వ‌రుడితో ఆ భంగిమ‌లో నిల‌బ‌డి మ‌రీ ఫొటోగ్రాఫ‌ర్ ఫోజును వివ‌రిస్తుండటంతో వ‌ధువు సిగ్గు ఆపుకోలేక‌పోయింది. ఫొటోగ్రాఫ‌ర్‌ను, వ‌రుడిని ఇద్ద‌రినీ క‌లిపి కొల‌ను నీళ్ల‌లోకి తోసేసింది. వాళ్లిద్ద‌రూ నీళ్ల‌లోప‌డిపోగానే ప‌గ‌ల‌బ‌డి న‌వ్వింది. ఈ వీడియోను హెప్గుల్ 5 అనే ఇన్‌స్టాగ్రామ్‌ హ్యాండిల్‌లో షేర్ చేశారు. ఈ వీడియోను చూసి నెటిజ‌న్‌లు ఇప్పుడు తెగ న‌వ్వుకుంటున్నారు.

ఇవి కూడా చదవండి

Bumper offer : బైకు కొంటే హెల్మెట్ ఫ్రీ.. ఈ బంపర్ ఆఫ‌ర్ ఎక్క‌డో తెలుసా..!

Chief Justice : ద‌ర్యాప్తు సంస్థ‌ల తీరుపై సీజేఐ సంచ‌ల‌న వ్యాఖ్య‌లు..!