చ‌రిత్ర‌లో ఈరోజు.. భాగ‌మ‌తి న‌దిలో రైలు దుర్ఘ‌ట‌న‌కు 40 ఏండ్లు

బిహార్‌లోని భాగ‌మ‌తి న‌దిలో కూలిపోయి పెద్ద సంఖ్య‌లో ప్ర‌యాణికులు దుర్మ‌ర‌ణం పాలై నేటికి స‌రిగ్గా 40 సంవ‌త్సరాలు పూర్త‌య్యాయి. చాలా మంది ఇప్ప‌టికీ జాడ‌లేకుండా పోయారు

June 6, 2021 / 12:55 PM IST

చ‌రిత్ర‌లో ఈరోజు.. భాగ‌మ‌తి న‌దిలో రైలు దుర్ఘ‌ట‌న‌కు 40 ఏండ్లు

బిహార్‌లోని భాగ‌మ‌తి న‌దిలో కూలిపోయి పెద్ద సంఖ్య‌లో ప్ర‌యాణికులు దుర్మ‌ర‌ణం పాలై నేటికి స‌రిగ్గా 40 సంవ‌త్సరాలు పూర్త‌య్యాయి. చాలా మంది ఇప్ప‌టికీ జాడ‌లేకుండా పోయారు. వారు చ‌నిపోయిందీ, క‌నిపించ‌కుండా పోయిందీ తెలియ‌డం లేదు. బిహార్‌లోని మాన్సీ స్టేషన్ నుంచి సహర్సాకు బ‌య‌ల్దేరిన‌ రైలు భాగ‌మ‌తి న‌ది వంతెన‌పైకి రావ‌డంతో ఒక్క‌సారిగా కుదుపుకు లోనై న‌దిలో కూలిపోయింది. అప్ప‌టికే వ‌ర్షం కురుస్తున్నందున ప్ర‌యాణికులు కిటికీలు మూసుకుని ఉన్నారు. దాంతో పెద్ద సంఖ్య‌లో ప్ర‌జ‌లు బ‌య‌ట‌కు రాలేక న‌దిలో మునిగి ప్రాణాలు విడిచారు. ఈ దుర్ఘ‌ట‌న‌లో మొత్తం 7 బోగీలు వంతెన పైనుంచి న‌దిలో ప‌డిపోయాయి.

రైలు నదిలో పడటానికి రెండు కారణాలు చెప్పారు. మొదటిది .. రైలు వెళ్తుండ‌గా ఒక ప‌శువు అడ్డంగా రావ‌డంతో దానిని కాపాడేందుకు డ్రైవ‌ర్ స‌డెన్‌గా బ్రేక్‌లు వేయ‌డంతో ఈ ప్ర‌మాదం జ‌రిగింది. రెండవ కారణం.. రైలు కిటికీలు, తలుపులన్నీ మూసివేసి ఉండ‌టంతో బ‌లమైన తుఫాను ఒత్తిడి రైలుపై పడి రైలు నదిలో పడిపోయింది. ఈ ప్రమాదంలో ఎంత మంది మరణించారో ఖచ్చితమైన గణాంకాలు లేవు. 500 మంది మరణించారని రైల్వే శాఖ‌ తెలిపింది. తర్వాత మరణించిన వారి సంఖ్య 3 వేలుగా నమోదైంది. ఈ ప్ర‌మాదంలో ఇప్ప‌టికీ చాలా మంది జాడ లేదు. ప్రమాదం జ‌రిగిన త‌ర్వాత‌ రెస్క్యూ ఆపరేషన్ మొద‌లుపెట్టి 286 మృతదేహాలను న‌ది నుంచి బయటకు తీశారు.