ఐరాస నివేదిక : అల్-ఖైదా అధినేత‌ జ‌వ‌హ‌రి బ‌తికే ఉన్నాడు..

అల్-ఖైదా అధినేత అమాన్ అల్-జవహరి బతికే ఉన్నాడు. అతను పాకిస్తాన్ సరిహద్దు ప్రాంతంలో దాక్కున్నాడు. దీనిపై ఐక్యరాజ్యసమితి ఆందోళన వ్యక్తం చేసింది

June 5, 2021 / 07:00 PM IST

ఐరాస నివేదిక : అల్-ఖైదా అధినేత‌ జ‌వ‌హ‌రి బ‌తికే ఉన్నాడు..

న్యూయార్క్ : అల్-ఖైదా అధినేత అమాన్ అల్-జవహరి బతికే ఉన్నాడు. అతను పాకిస్తాన్ సరిహద్దు ప్రాంతంలో దాక్కున్నాడు. దీనిపై ఐక్యరాజ్యసమితి ఆందోళన వ్యక్తం చేసింది. ఇటీవలి ఐరాస నివేదిక ప్రకారం, అల్-ఖైదా ఉగ్రవాద సంస్థతో సంబంధం ఉన్న వారిలో గణనీయమైన సంఖ్యలో ఆఫ్ఘనిస్తాన్, పాకిస్తాన్ సరిహద్దు ప్రాంతంలో నివసిస్తున్నారు. అల్-ఖైదా చీఫ్ అమాన్ అల్-జవహరితో సజీవంగానే ఉన్నాడు. కాని చాలా బలహీనమైన స్థితిలో ఉన్నాడు. అల్-జవహరి 1988 లో ఒసామా బిన్-లాడెన్ అల్-ఖైదాను స్థాపించడంలో సహాయం చేసాడు. ఆఫ్ఘనిస్తాన్, పాకిస్తాన్‌ల‌లో సంస్థ కార్యకలాపాలకు నాయకత్వం వహించాడు. బిన్ లాడెన్ మరణం తర్వాత జవహరి అల్-ఖైదాకు అధిపతిగా ఉన్నారు.

జవాహరి అనారోగ్య కారణంగా మరణించినట్లు వ‌చ్చిన‌ వార్తలను ధ్రువీకరించలేమని, అతను ఆఫ్ఘనిస్తాన్-పాకిస్తాన్ సరిహద్దు ప్రాంతంలో దాక్కున్నట్లు ఆ నివేదిక పేర్కొన్న‌ది. సమీప భవిష్యత్‌లో అల్-ఖైదా వ్యూహం ఆఫ్ఘనిస్తాన్‌ను త‌మ అగ్ర ఉగ్ర‌వాదుల‌కు సురక్షితమైన స్వర్గధామంగా మార్చడం. ఐక్యరాజ్య సమితి తన నివేదికలో ఉగ్రవాద సంస్థ దీర్ఘకాలిక వ్యూహం ప్ర‌కారం కొంతకాలం తమ‌ కార్యకలాపాలను నిలిపివేశార‌ని పేర్కొన్న‌ది. త‌ద‌నంత‌రం అంతర్జాతీయ లక్ష్యాలపై దాడి చేయాలి. అల్-ఖైదా ఈ ప్రాంతంలో కొన్ని డజన్ల నుంచి 500 మంది వరకు ఉండొచ్చున‌ని తెలిపింది. ఈ ఉగ్రవాదులలో ఎక్కువ మంది ఉత్తర ఆఫ్రికా, పశ్చిమ ఆసియాకు చెందినవారు. ఆఫ్ఘనిస్తాన్ శాంతి ప్రక్రియపై తాలిబాన్, అల్-ఖైదా మధ్య క్రమం తప్పకుండా సంభాషణలు ఉన్నాయని నివేదిక‌లో వెల్ల‌డించారు.