Afghanistan | నిద్రలోనే 11 మంది చిన్నారుల మృతి..అఫ్ఘాన్‌పై పాక్‌ వైమానిక దాడి

అఫ్ఘానిస్థాన్‌పై పాకిస్థాన్‌ సైనిక దళాలు జరిపిన దాడుల్లో 11 మంది చిన్నారులు సహా 13 మంది నిద్రలోనే మరణించారని, మరో 14 మంది గాయపడ్డారని కాబుల్‌లోని తాలిబన్‌ ప్రభుత్వం బుధవారం ఆరోపించింది.

• అఫ్ఘాన్‌పై పాక్‌ వైమానిక దాడి

న్యూఢిల్లీ, జూన్‌ 10: అఫ్ఘానిస్థాన్‌పై పాకిస్థాన్‌ సైనిక దళాలు జరిపిన దాడుల్లో 11 మంది చిన్నారులు సహా 13 మంది నిద్రలోనే మరణించారని, మరో 14 మంది గాయపడ్డారని కాబుల్‌లోని తాలిబన్‌ ప్రభుత్వం బుధవారం ఆరోపించింది. ఈ దాడులపై పాకిస్థాన్‌ నుంచి ఎటువంటి ధృవీకరణ రాలేదు. పాక్‌ చర్యను దురాక్రమణగా ముజాహిద్‌ అబివర్ణించింది.

పీవోకేలో కూలిన పాక్‌ హెలికాప్టర్‌
పాకిస్థాన్‌ ఆర్మీకి చెందిన ఎంఐ-17 హెలికాప్టర్‌ పాకిస్థాన్‌ ఆక్రమిత కశ్మీర్‌లోని ముజఫరాబాద్‌లో బుధవారం కూలిపోయింది. ఈ ప్రమాదంలో హెలికాప్టర్‌లోని వ్యక్తులందరూ మరణించినట్టు ఆర్మీ తెలిపింది. హెలికాప్టర్‌ టేకాఫ్‌ అవుతుండగా సాంకేతిక సమస్యతో కూలిపోయినట్టు అధికారులు ప్రకటించారు. ఈ ప్రమాదంలో పైలట్‌ సహా, 20 మంది సైనికులు మృతి చెందినట్టు పాక్‌ మీడియా కథనాలు తెలియజేశాయి. రెండు రోజుల వ్యవధిలో బలూచిస్థాన్‌లో రెండు హెలికాప్టర్‌లు కూలిపోవడం గమనార్హం.