Traffic Restrictions | రోజూ సాయంత్రం 4 గంటల నుంచి.. ఎగ్జిబిషన్‌ గ్రౌండ్‌ పరిసరాల్లో ట్రాఫిక్‌ ఆంక్షలు

నాంపల్లిలో ఆల్‌ ఇండియా ఇండస్ట్రీయల్‌ ఎగ్జిబిషన్‌ ప్రారంభం కావడంతో వచ్చే నెల 15 వరకు ఎగ్జిబిషన్‌ గ్రౌండ్‌ పరిసర ప్రాంతాల్లో సాయంత్రం 4 గంటల నుంచి ట్రాఫిక్‌ ఆంక్షలు విధిస్తూ నగర పోలీస్‌ కమిషనర్‌ సీవీ ఆనంద్‌ శుక్రవారం ఉత్తర్వులు జారీ చేశారు.

Traffic Restrictions | సిటీబ్యూరో, జనవరి 3 (నమస్తే తెలంగాణ): నాంపల్లిలో ఆల్‌ ఇండియా ఇండస్ట్రీయల్‌ ఎగ్జిబిషన్‌ ప్రారంభం కావడంతో వచ్చే నెల 15 వరకు ఎగ్జిబిషన్‌ గ్రౌండ్‌ పరిసర ప్రాంతాల్లో సాయంత్రం 4 గంటల నుంచి ట్రాఫిక్‌ ఆంక్షలు విధిస్తూ నగర పోలీస్‌ కమిషనర్‌ సీవీ ఆనంద్‌ శుక్రవారం ఉత్తర్వులు జారీ చేశారు. ఎగ్జిబిషన్‌కు వచ్చేవారు ఆర్టీసీ, మెట్రో రైలు సర్వీస్‌లను వాడుకోవాలని, రాత్రి 11.30 గంటల వరకు, వారంతం, సెలవు రోజుల్లో 12 గంటల వరకు అందుబాటులో ఉంటాయని తెలిపారు. ఎగ్జిబిషన్‌కు వచ్చేవారు రోడ్లు క్రాష్‌ చేయవద్దని, ఇది ప్రమాదాలకు దారితీసే అవకాశాలుంటాయని, గాంధీభవన్‌ వద్ద ఉన్న మెట్రో బ్రిడ్జిని వాడుకొని రోడ్డు క్రాస్‌ చేయాలని సూచించారు.

ట్రాఫిక్‌ మళ్లింపు

• ఆర్టీసీ, ప్రైవేట్‌ బస్సులతో పాటు ఇతర భారీ వాహనాలు సిద్ధఅంబర్‌ బజార్‌, జాంబాగ్‌ నుంచి నాంపల్లి వైపు వెళ్లే వాహనాలు ఎంజే మార్కెట్‌ నుంచి అబిడ్స్‌ జంక్షన్‌ వైపు వెళ్లాలి. బషీర్‌బాగ్‌, ఏఆర్‌ పెట్రోల్‌ బంక్‌ వైపు నుంచి నాంపల్లి వైపు వచ్చే వాహనాలు బీజేఆర్‌ విగ్రహం నుంచి అబిడ్స్‌ వైపు వెళ్లాలి.
• బేగంబజార్‌ ఛత్రివైపు, మాలకుంట వైపు వెళ్లే భారీ, మధ్యతర వాహనాలు అలస్క జంక్షన్‌ నుంచి దారుసలాం, ఎక్‌మినార్‌ మీదుగా నాంపల్లి వైపు వెళ్లాలి. దారుసలాం(గోషామహల్‌రోడ్డు) నుంచి అఫ్జల్‌గంజ్‌, అబిడ్స్‌ వైపు వెళ్లే వాహనాలు అల స్క జంక్షన్‌ నుంచి బేగంబజార్‌, సిటీ కాలేజ్‌, నయాపూల్‌ వైపు నుంచి వెళ్లాలి.
• మూసాబౌలి, బహుదూర్‌పుర వైపు నుంచి నాంపల్లి వైపు వెళ్లే వాహనాలు సిటీ కాలేజీ, నయాపూల్‌, ఎంజేమార్కెట్‌ వైపు వెళ్లాలి.
• ఎంజే మార్కెట్‌ వైపు నుంచి గాంధీభవన్‌, నాంపల్లి వైపు వెళ్లే వాహనదారులు సాయంత్రం 4 నుంచి రాత్రి 12 గంటల వరకు ప్రత్యామ్నాయ రూట్లలో వెళ్లి తమ గమ్యస్థానానికి చేరుకోవాలి.