24న హైద‌రాబాద్ న‌గ‌రంలో ట్రాఫిక్ ఆంక్ష‌లు..

Traffic Restrictions | ట్యాంక్‌బండ్ వేదిక‌గా శ‌నివారం మ‌ధ్యాహ్నం 2 గంట‌ల‌కు టీఎస్ ఆర్టీసీ 50 కొత్త సూప‌ర్ ల‌గ్జ‌రీ బ‌స్సుల‌ను ప్రారంభించ‌నున్న‌ది. ఈ నేప‌థ్యంలో ట్యాంక్‌బండ్‌తో పాటు ప‌రిస‌ర ప్రాంతాల్లో మ‌ధ్యాహ్నం 12 గంట‌ల నుంచి సాయంత్రం 5 గంట‌ల

హైద‌రాబాద్ : ట్యాంక్‌బండ్ వేదిక‌గా శ‌నివారం మ‌ధ్యాహ్నం 2 గంట‌ల‌కు టీఎస్ ఆర్టీసీ 50 కొత్త సూప‌ర్ ల‌గ్జ‌రీ బ‌స్సుల‌ను ప్రారంభించ‌నున్న‌ది. ఈ నేప‌థ్యంలో ట్యాంక్‌బండ్‌తో పాటు ప‌రిస‌ర ప్రాంతాల్లో మ‌ధ్యాహ్నం 12 గంట‌ల నుంచి సాయంత్రం 5 గంట‌ల వ‌ర‌కు ట్రాఫిక్ ఆంక్ష‌లు విధిస్తున్న‌ట్లు హైద‌రాబాద్ అద‌న‌పు పోలీసు క‌మిష‌న‌ర్ ఏఆర్ శ్రీనివాస్ తెలిపారు. అప్ప‌ర్ ట్యాంక్‌బండ్‌, అంబేద్క‌ర్ విగ్ర‌హం, తెలుగుత‌ల్లి జంక్ష‌న్, లిబ‌ర్టీ, వీవీ విగ్ర‌హాం జంక్ష‌న్ల వైపు వ‌చ్చే వాహ‌న‌దారులు ప్ర‌త్యామ్నాయ మార్గాల‌ను ఎంచుకోవాల‌ని సూచించారు.

ట్రాఫిక్‌ ఆంక్షలు..

-రాణిగంజ్‌ నుంచి అప్పర్ ట్యాంక్‌బండ్‌ వైపు వచ్చే వాహనాలకు అనుమతి లేదు. ఈ వాహనాలను షైలింగ్‌ క్లబ్‌ వద్ద కవాడిగూడ ఎక్స్‌ రోడ్స్‌, డీబీఆర్‌ మిల్స్‌ వైపు మళ్లిస్తారు.
-లిబర్టీ నుంచి అప్పర్‌ ట్యాంక్‌బండ్‌కు వెళ్లే వాహనాలను అంబేద్కర్‌ విగ్రహాం వద్ద, తెలుగుతల్లి జంక్ష‌న్, ఇక్బాల్‌ మినార్‌ వైపు మళ్లిస్తారు.

-తెలుగు తల్లి జంక్ష‌న్ నుంచి అప్పర్‌ ట్యాంక్‌బండ్‌ వైపు వాహనాలను అనుమతించరు. ఈ వాహనాలను అంబేద్కర్‌ విగ్రహం వద్ద లిబర్టీ, హిమాయత్‌నగర్‌ వైపు మళ్లిస్తారు.
-ముషీరాబాద్‌ క్రాస్‌ రోడ్స్‌ నుంచి అప్పర్‌ ట్యాంక్‌బండ్‌ వైపు అనుమతి ఉండదు. ఈ వాహనాలను కవాడిగూడ క్రాస్‌ రోడ్స్‌ నుంచి లోయర్‌ ట్యాంక్‌బండ్‌ వైపు మళ్లిస్తారు.

-డీబీఆర్‌ మిల్స్‌ నుంచి అప్పర్‌ ట్యాంక్‌బండ్‌ వైపు అనుమతి ఉండదు. డీబీఆర్‌ మిల్స్‌ నుంచి గోశాల, కవాడిగూడ, జబ్బార్‌ కాంప్లెక్స్, బైబిల్ హౌస్ వైపు మ‌ళ్లిస్తారు.
-ఇక్బాల్‌ మినార్‌ నుంచి వచ్చే వాహనాలు ఓల్డ్ సెక్ర‌టేరియ‌ట్‌ నుంచి తెలుగు తల్లి ఫ్లై ఓవ‌ర్‌ మీదుగా లోయర్‌ ట్యాంక్‌బండ్‌ వెళ్లాలి.
-ఆర్టీసి బస్సులు అప్పర్‌ ట్యాంక్‌బండ్‌ మీద నుంచి కాకుండా లోయర్‌ ట్యాంక్‌బండ్‌ నుంచి రాకపోకలు సాగించాలని సూచించారు.