దొంగలొస్తారు జాగ్రత్త!
సంక్రాంతి పండుగ వచ్చిందంటే.. నగరం నుంచి చాలామంది తమ ఇండ్లకు తాళాలేసి.. సొంత ఊళ్లకు ప్రయాణమవుతారు... ఇదే అదనుగా దొంగలు కూడా స్వైర విహారం చేసే ప్రమాదముంది. తెలంగాణ ఏర్పాటైన తరువాత ట్రై పోలీస్ కమిషనరేట్ల పరిధిలో బీఆర్ఎస్ ప్రభుత్వం విస్తృతంగా సీసీ కెమెరాలు ఏర్పాటు చేసి, దొంగతనాలపై ఉక్కుపాదం మోపింది.
- దొంగల కన్ను పడకుండా చూసుకోండి
- ప్రజలకు పోలీసుల సూచనలు
సిటీబ్యూరో, జనవరి 11 (నమస్తే తెలంగాణ): సంక్రాంతి పండుగ వచ్చిందంటే.. నగరం నుంచి చాలామంది తమ ఇండ్లకు తాళాలేసి.. సొంత ఊళ్లకు ప్రయాణమవుతారు… ఇదే అదనుగా దొంగలు కూడా స్వైర విహారం చేసే ప్రమాదముంది. తెలంగాణ ఏర్పాటైన తరువాత ట్రై పోలీస్ కమిషనరేట్ల పరిధిలో బీఆర్ఎస్ ప్రభుత్వం విస్తృతంగా సీసీ కెమెరాలు ఏర్పాటు చేసి, దొంగతనాలపై ఉక్కుపాదం మోపింది. దీంతో బీఆర్ఎస్ హయంలో దొంగతనాలు తగ్గిపోయాయి… కాంగ్రెస్ ప్రభుత్వం అధికారంలోకి వచ్చిన తరువాత తిరిగి దొంగతనాలు, స్నాచింగ్లు మొదలయ్యాయి.
రెండేండ్ల నుంచి ఇవి పెరుగుతూనే ఉన్నాయి. దీంతో పోలీసులు కూడా సంక్రాంతికి ఉరేళ్లే వారు తగిన జాగ్రత్తలు తీసుకోవాలంటూ సూచనలు చేస్తున్నారు. పండుగల సమయంలో ఊరెళ్లే వారు జాగ్రతగా ఉండాలని అవగాహన కల్పిస్తున్నారు. సంక్రాంతి పండుగను దృష్టిలో పెట్టుకుని హైదరాబాద్, సైబరాబాద్, మల్కాజిగిరి, ప్యూచర్సిటీ పోలీసు కమిషనరేట్ల పరిధిలో నిఘాతోపాటు రాత్రి సమయాల్లో గస్తీ పెంచుతున్నట్లు అధికారులు పేర్కొంటున్నారు. జనసంచారం తక్కువగా ఉండే కాలనీలు, బస్తీలపై ప్రత్యేక నిఘా పెట్టినట్లు తెలిపారు. అయితే ప్రజలు కూడా తమ వంతు జాగ్రత్తలు పాటించాలని అధికారులు ప్రజలకు సూచనలు జారీచేస్తున్నారు.
ఈ జాగ్రతలు పాటించండి
- ఇల్లు వదిలి వెళ్లే ముందు తలుపులు, కిటికీలు, గ్రిల్స్ అన్నింటినీ బలమైన, నమ్మదగిన తాళాలతో సురక్షితంగా తాళం వేయాలి.
- బయటకు వెళ్లినప్పుడు ఇళ్లలో విలువైన ఆభరణాలు, నగదు పెట్టకూడదు. వాటిని బ్యాంక్ లాకర్లలో భద్రపరుచుకోవాలి.
- ఇంటికి తాళం వేసినప్పుడు తాళం బయటకు కనిపించకుండా జాగ్రతపడాలి.
- సాధ్యమైనచోట ఆటోమేటిక్ టైమర్లను ఉపయోగించి లైట్లను కొంత కొంత వ్యవధిలో వెలిగేలా చేసి, ఇళ్లు ఖాళీగా లేదనే భావన కల్గించాలి. అలాగే ఇంట్లో పూర్తిగా లైట్లు ఆర్పివేయకుండా బయటకు కనిపించే గదిలో లైటు వేసి ఉంచాలి.
- ఇంట్లో లేని విషయాన్ని సోషల్ మీడియాలో పెట్టకూడదు.
- విశ్వాసనీయమైన పొరుగువారికి సమాచారం ఇచ్చి, ఇంటిపై నిఘా ఉంచమని అభ్యర్థించాలి.
- అపార్టుమెంట్లు, నివాస సముదాయాలు, గేటెడ్ కమ్యూనిటీలలో నివాసించే వారు అక్కడి భద్రత సిబ్బంది, వాచ్మెన్, రెసిడెంట్ వెల్ఫేర్ అసోసియేషన్లను తమ నివాసంపై క్షుణ్ణంగా నిఘా ఉంచాలని కోరాలి.
- భద్రతా సిబ్బంది/వాచ్మెన్ తమ ప్రాంతంలోకి ప్రవేశించి అనుమానాస్పద వ్యక్తులు, తెలియని వ్యక్తుల వివరాలను క్షుణ్ణంగా విచారించి అతని గుర్తింపును దృవీకరించుకోవాలి.
- హాస్టల్ వార్డెన్లు, లాడ్జ్ యజమానులు అనుమతి లేని వ్యక్తులను తాత్కాలికంగానైనా ఉండనివ్వకూడదు, ప్రతి నివాసితుడి గుర్తింపును దృవీకరించి సరైన రికార్డులు నిర్వహించాలి.
- సీసీ టీవీ కెమెరాలు, అలారం వ్యవస్థ, ఇతర భద్రతా పరికరాలను ఏర్పాటు చేసి, అవి సరిగా పనిచేస్తున్నాయో లేదో నిర్ధారించుకోవాలి.
- వాహనాలను సురక్షితమైన, భద్రమైన వెలుతురు ఉన్న ప్రదేశాల్లో మాత్రమే పార్కు చేయాలి.
- కొత్త వ్యక్తుల కదలికలు అనుమానంగా కన్పిస్తే వెంటనే డయల్ 100కు సమాచారం ఇవ్వాలి, తద్వారా పోలీసులు తక్షణమే స్పందిస్తారు.
- ఇంటి డోర్కు సెంట్రల్ లాక్ సిస్టమ్ను ఏర్పాటు చేసుకోవడం మంచిది.
- ఇంటికి అమర్చి ఉన్న సీసీ కెమెరాలను ఆన్లైన్ ద్వారా ఎప్పటికప్పుడు పర్యవేక్షిస్తుండాలి.
Read Today's Latest Hyderabad News in Telugu and Telugu News
RELATED ARTICLES
తాజా వార్తలు
IndiaNew vs Zealand | తొలి టెస్టులో సత్తా చాటిన భారత బౌలర్లు.. బుమ్రా ఖాతాలో మూడో వికెట్.. కివీస్ 95/5
Dia Mirza | ఆయనతో పనిచేయడం ఓ పీడకల..! దియా మీర్జా సంచలన వ్యాఖ్యలు
Sreeleela | అందుకే టాలీవుడ్కు దూరం..! క్లారిటీ ఇచ్చిన శ్రీలీల
Kamal Haasan| సేయాన్లో విరుమాండి గెటప్.. అతిథి పాత్రలో కనిపించనున్న కమల్హాసన్..!
Jain Diksha | కోట్లాది వ్యాపారాన్ని వదిలి సన్యాసం..! సూరత్లో ఓ కుటుంబం నిర్ణయం
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

