Sunday Funday | రేపు ట్యాంక్‌బండ్‌పై ట్రాఫిక్ ఆంక్ష‌లు

Sunday Funday | సండే ఫన్‌డే పునఃప్రారంభం నేప‌థ్యంలో రేపు సాయంత్రం ట్యాంక్ బండ్‌పై ట్రాఫిక్ ఆంక్ష‌లు విధిస్తున్న‌ట్లు పోలీసులు తెలిపారు. సాయంత్రం 5 గంట‌ల నుంచి రాత్రి 10 గంట‌ల వ‌ర‌కు ట్రాఫిక్ ఆంక్ష‌లు అమ‌ల్లో ఉండ‌నున్నాయి.

Sunday Funday | సరికొత్త ఆటవిడుపులతో ట్యాంక్‌బండ్‌పై ఈ ఆదివారం సన్‌డే ఫన్‌డే నిర్వహిస్తున్నట్లు రాష్ట్ర పురపాలక శాఖ స్పెషల్‌ చీఫ్‌ సెక్రెటరీ అర్వింద్‌కుమార్‌ ట్విట్టర్‌లో ప్రకటించిన సంగతి తెలిసిందే. సండే ఫన్‌డే పునఃప్రారంభం నేప‌థ్యంలో రేపు సాయంత్రం ట్యాంక్ బండ్‌పై ట్రాఫిక్ ఆంక్ష‌లు విధిస్తున్న‌ట్లు పోలీసులు తెలిపారు. సాయంత్రం 5 గంట‌ల నుంచి రాత్రి 10 గంట‌ల వ‌ర‌కు ట్రాఫిక్ ఆంక్ష‌లు అమ‌ల్లో ఉండ‌నున్నాయి. ఫార్ములా ఈ రేసింగ్ కార‌ణంగా గ‌త కొన్ని వారాల నుంచి సండే ఫ‌న్‌డే కార్య‌క్ర‌మాన్ని నిలిపివేసిన విష‌యం విదిత‌మే. ఇక‌పై ప్ర‌తి ఆదివారం సాయంత్రం సండే ఫ‌న్‌డే కార్య‌క్ర‌మం నిర్వ‌హించ‌నున్నారు. ట్యాంక్ బండ్ సంద‌ర్శ‌కుల కోసం ప‌రిస‌ర ప్రాంతాల్లో 4 పార్కింగ్ ప్ర‌దేశాల‌ను ఏర్పాటు చేశారు.

ప్ర‌త్యేక ఆక‌ర్ష‌ణ‌గా నిల‌వ‌నున్న మ్యూజిక‌ల్ ఫౌంటెయిన్

ఇక‌పై హుస్సేన్ సాగ‌ర్‌లో ఏర్పాటు చేసిన మ్యూజిక‌ల్ ఫౌంటెయిన్ ప్ర‌త్యేక ఆక‌ర్ష‌ణ‌గా నిల‌వ‌నుంది. సాగర్‌ నీటిలోని మ్యూజికల్‌ ఫౌంటెయిన్‌ రాత్రి 7,8,9,10 గంటల సమయంలో ప్రతి గంటకోసారి 15 నిమిషాల పాటు 5-6 ట్యూన్‌లతో అలరించ‌నుంది. దీన్ని రూ. 17 కోట్ల‌తో హెచ్ఎండీఏ ఏర్పాటు చేసింది.

It’s #SundayFunday this Sunday ie Feb 19th

Come and enjoy the latest addition – the musical fountains .. pic.twitter.com/64azVn7XnJ

— Arvind Kumar (@arvindkumar_ias) February 17, 2023